گورنر پنجاب بلیغ الرحمان نے تاجر برادری کو درپیش مسائل کو ترجیحی بنیادوں پر حل کرنے کے عزم کا اعادہ کیا ہے۔
یہ بات انہوں نے بدھ کو لاہور میں صدر حافظ محمد یونس کی قیادت میں بہاولپور چیمبر آف کامرس اینڈ انڈسٹری کے وفد سے گفتگو کرتے ہوئے کہی۔
ملاقات میں بہاولپور انڈسٹریل اسٹیٹ کی جلد تکمیل، سمال انڈسٹریز اسٹیٹ میں الگ الیکٹرک فیڈر کے قیام اور بہاولپور میں لیبر کالونی کے قیام سمیت دیگر امور پر تبادلہ خیال کیا گیا۔
