کچے کے شدت پسندوں سے مذاکرات ہو سکتے ہیں عمران خان سے نہیں ؛جاوید لطیف

وفاقی وزیر میاں جاوید لطیف کاکہناہے کہ پی ٹی آئی کے جس گروپ کو عمران خان لیڈکریں گے اس سے مذاکرات نہیں ہوں گے۔یہ اس بات کا اشارہ ہے کہ تحریک انصاف میں فارورڈ بلاک بنانے کی کوشش کی جاررہی ہے مگر اس وقت یہ سازش اس لیے کامیاب نہیں ہوگی کیونکہ عمران خان جسے اپنا امیدوار بنائیں گے ووٹ بلے پر ہی پڑے گا -تاہم اگر کوئی بہت بڑا دھڑا ٹوٹ کر الیکشن لڑتا ہے تو پی ٹی آئی کو جھٹکا لگ سکتا ہے – ایک نجی ٹی وی نے خبر دی ہے کہ جاوید لطیف کا کہنا تھا کہ کچے کے ڈاکؤؤں سے مزاکرات ہو سکتے ہیں عمران خان سے نہیں-
 

 

جاوید لطیف نے ایک نجی ٹی وی کو انٹرویو دیتے ہوئے بتایا کہاکہ اب سب مانتے ہیںکہ ماضجی میں جب نون لیگ کی حکومتت تھی تو نوازشریف کو سازش کے تحت مائنس کیاگیا،آج پاکستان جس نہج پر ہے وہ سب کے سامنے ہے،کہاجارہا ہے ن لیگ الیکشن سے بھاگ رہی ہے،ان کاکہناتھاکہ ایک شخص کی ذاتی خواہش پر الیکشن کرایا جا رہا ہے،پہلے الیکشن بھی نوازشریف کو انتخابات سے باہر رکھا گیا،اب بھی نوازشریف کو الیکشن سے باہر کیوں رکھا جارہا ہے۔

وفاقی وزیر نے کہاکہ کچے کے ڈاکوچند لوگوں کے مجرم ہیں،زمان پارک کا ڈاکو لاکھوں لوگوں کا مجرم ہے ، پی ٹی آئی کے جس گروپ کو عمران خان لیڈکریں گے اس سے مذاکرات نہیں ہوں گے،انہوں نے کہاکہ پاکستان کو اس کی اناپرستی سے بہت نقصان پہنچاہے،پاکستان میں امن کیلئے عمران خان کے سہولت کاروں کو کٹہرے میں لانا پڑے گا۔