الیکشن کمیشن آف پاکستان نے سپریم کورٹ کے فیصلے کی روشنی میں الیکشن کرونے پر مشاورت مکمل کرنے کے بعد صدر مملکت کو تاریخ بھجوانے کا فیصلہ کرلیا -الیکشن کمیشن نے پنجاب میں انتخابات کیلئے 30 اپریل سے 7 مئی تک تاریخیں تجویز کر دیں۔اب صدر مملکت ان میں سے کوئی ایک تاریخ فائنل کردیں گے اور یوں پنجاب میں الیکشن ممکن ہوگا -جبکہ کے پی میں ضمنی الیکشن کی تاریخ گورنر کے پی کے دیں گے –
نجی ٹی وی ڈان نیوز کے مطابق چیف الیکشن کمشنر سکندر راجہ کی زیر صدارت اجلاس ہوا جس میں ممبران اور سینئر افسران نے شرکت کی، اجلاس میں کئے گئے فیصلے کے تحت پنجاب کے انتخابات کی تاریخیں تجویز کر دی گئی ہیں۔
اس حوالے سے الیکشن کمیشن نے صدر مملکت عارف علوی اور گورنرز کو خطوط ارسال کر دیئے۔صدر کو خط میں الیکشن کمیشن کی جانب سے کہا گیا ہے کہ صدر مملکت کے تاریخ کے انتخاب کے بعد الیکشن کمیشن اپنے آئینی و قانونی فرائض انجام دینے کیلئے تیار ہے۔