سندھ میں ڈاکو راج برقرار ہےاور اب تو ڈاکؤؤں نے اس شرمناک فعل کے لیے سوشل میڈیا اور انٹرنیٹ کا سہارا بھی لے رکھا ہے -وہ لوگوں کو مختلف پروگرام کرنے کا لالچ دے کر بلالیتے ہیں اور پھر اغوا کرکے تاوان وصول کرتے ہیں-اب ان بے ضمیر اور سفاک لوگوں نے کواتین کو بھی اٹھانا شروع کردیا ہے –
اس بار انھوں نے ڈاسر خواتن کو اغوا کیا تو پولیس حرکت میں آگئی – کندھ کوٹ پولیس نے اغوا ءکی جانے والی 3 لڑکیوں کو ڈاکوﺅں سے بازیاب کرالیا۔
پولیس کے مطابق کندھ کوٹ کے علاقے گڑھی تیغو میں پولیس نے لڑکیوں کی بازیابی کے لیے سرچ آپریشن کیا جس میں تینوں لڑکیوں کو بازیاب کرالیاگیا۔ایس ایس پی عرفان سموں کے مطابق لڑکیاں ڈانسر ہیں، جنہیں ڈیڑھ ماہ قبل شادی کی تقریب کے بہانے کراچی سے لایاگیا تھا۔ایس ایس پی عرفان سموں کا کہنا ہے کہ آپریشن کے دوران جوابی فائرنگ پر ڈاکو تینوں لڑکیاں چھوڑ کر فرارہوگئے۔
پولیس نے مزید بتایا کہ بازیاب ہونے والی تینوں لڑکیاں تیغانی گینگ کے پاس تھی۔پولیس کا کہنا ہے کہ ڈاکوو¿ں کی گرفتاری کیلئے بھی علاقے میں سرچ آپریشن کیا جارہا ہے۔