مظفر آباد ہائیکورٹ نے متنازعہ تقریر کیس میں وزیراعظم آزادکشمیر سردار تنویر الیاس کو عہدے سے ہٹا دیا۔وہ یوسف رضا گیلانی کے بعد دوسرے وزیرزعظم ہیں جنہیں عدالت کی جانب سے برطرف کیا گیا ہے -یہ پہلا موقع ہے جب ایک تقریر پر کسی وزیرزعظم کو ناہل کیا گیا –
نجی ٹی وی چینل ایکسپریس نیوز کے مطابق مظفر آباد ہائیکورٹ نے وزیراعظم آزادکشمیر کو اسمبلی کی رکنیت اور وزارت عظمی سے نااہل کردیا، عدالت سے متعلق بیانات پر سردار تنویر الیاس کو قصور وار قراردےدیا گیا،مظفرآباد ہائیکورٹ کے فل بنچ نے وزیراعظم آزادکشمیر کو سزاسنائی،وزیراعظم آزادکشمیر کو ہائیکورٹ کے فل بنچ نے کورٹ کی سماعت ختم ہونے تک سزا سنائی ۔
یاد رہے کہ وزیراعظم آزادکشمیر نے اسلام آباد میں ویلفیئر آگنائزیشن کی تقریب میں متنازعہ تقریر کی تھی ،سردارتنویر الیاس کاکہناتھا کہ ہم کام کرناچاہتے ہیں مگر عدالت سٹے پر سٹے دیئے جا رہی ہیں،ہم کوئی پروجیکٹ کرنا چاہتے ہیں تو اس پر حکم امتناعی آ جاتا ہے،سردار تنویر الیاس کا مزید کہناتھا کہ سڑک چلتے لوگوں کو بلا کر سٹے دیا جاتا ہے، ان کا یہ جملہ بار بار کوٹ بھی ہوا ”میں ججز کا دھواں نکالوں گا“-عدالت نے انہیں پہلی پیشی کے بعد ہی عدالت میں فیصلہ سناکر عہدے سے ہٹا دیا –