لاہور ویسٹ مینجمنٹ کمپنی کے انفورسمنٹ ونگ نے شہر بھر میں سڑکوں پر کوڑا کرکٹ اور کچرا پھینکنے والوں کے خلاف ایکشن کا فیصلہ کرلیا – موقع پر پکڑے جانے والے شہریوں پر جرمانہ عائد کیا گیا ۔ترجمان کے مطابق گزشتہ ماہ سڑکوں پر کچرا پھینکنے پر 298 افراد کو 4 لاکھ 50 ہزار روپے جرمانہ کیا گیا، گزشتہ مہینے 10 ہزار 996 سے زائدمقامات کا معائنہ کیا گیا، 30 روز میں غیرقانونی ڈمپنگ کرنے والی 32 گاڑیاں تحویل میں لی گئیں۔ لاہور ویسٹ مینجمنٹ کمپنی نے گزشتہ 30 دنوں کی انفورسمنٹ کارروائیوں کی رپورٹ جاری کردی ہے-
کچرے کے غیر قانونی پھیلاؤاور آگ لگانے کے جرم میں 21 مقدمات درج کرائے گئے، کچرےکو آگ لگانے اور سڑکوں پرکچرا پھینکنے پر 466 چالان کیے گئے، 30دنوں میں لوکل گورنمنٹ ایکٹ کی خلاف ورزی پر کل 10لاکھ روپے سے زائد کے جرمانے کیےگئے، معمولی خلاف ورزیوں پر 2834 وارننگ نوٹسز بھی جاری کیے گئے۔اگر آپ بھی اس طرح کی سرگرمیوں کے شوقین رہے ہیں تو اب اس حرکت سے اجتناب کریں ورنہ آپ بھی قانونی کاروائی سے بچ نہیں پائیں گے –