رانا ثنا اللہ جو کل تک تحریک انصاف اور عمران خان کو طنز کا نشانہ بناتے رہے ہیں آج انھوں نے براہ راست عدالت کے فیصلے پر سوال اٹھادیا ان کا کہنا تھا کہ عدالت نے پرویزالہی کو سٹے پر اختیارات نہیں دینے چاہیں تھے
وفاقی وزیر داخلہ رانا ثناء اللہ نے عدالت سے درخواست کی کہ عدالت سو موٹو لے اور پنجاب کو معاشی اور کرپشن کی تباہی سے بچائے، ان کو سٹے آرڈر کے اوپر اختیارات دینا پنجاب کے عوام کے ساتھ ظلم ہے۔وزیر داخلہ کا کہنا تھا کہ پرویز الٰہی نے کہا ہمارے 99 فیصد لوگ اسمبلی توڑنے کے حق میں نہیں مگر پھر بھی خان کی بات پر لبیک کہہ دیا ،
عمران خان نے پنجاب اور خیبر اسمبلی توڑنے کی بات کی، انھوں نے مونس اور پرویزالہی کے بارے میں کہا کہ باپ بیٹے نے ایک پراجیکٹ میں اربوں کی دیہاڑی لگائی ہے، ہارس ٹریڈنگ اور کرپشن کا بازار گرم ہے، اب ایک ایک دن پنجاب کے خزانے پر بھاری ہو جائے گا۔ پی ڈی ایم رہنماوں کا کہنا تھا کہ اعتماد کے ووٹ والے دن ثابت ہوگا کہ کتنے لوگ چودھری شجاعت کے زیر اثر ہیں، جس طرح سے لوگ چودھری شجاعت کے ساتھ لوگ رابطوں میں آرہے ہیں، ہم پر امید ہیں۔