لانگ مارچ کے قریب آتے ہی رانا ثنااللہ کی خاطرمدارت کرنے والی بات میں صداقت نظرآنے لگی -اب اطلاعات آرہی ہیں کہ عمران خان کے قریبی ساتھیوں کو اٹھایا جانے لگا -اس سلسلے میں منی لانڈرنگ کیس میں ایف آئی اے عمران خان کے قریبی ساتھیوں کیخلاف متحرک ہو گئی ، کراچی میں ایف آئی اے کی ٹیم نے عمران خان کے فرنٹ مین طارق شفیع کی گرفتاری کیلئے ان کے گھر کی تلاشی لی ۔ اہل علاقہ کے مطابق ایف ائی اے سٹیٹ بینک سرکل کی ٹیم کل طارق شفیع کے گھر کے باہر نگرانی کر رہی تھی ، ٹیم کو طارق شفیع کی گھر میں موجودگی کا شبہ تھا، ٹیم طارق شفیع کے گھرپہنچی جہاں اہلخانہ نے اس بات سے انکار کیا کہ طارق شفع اس وقت گھر پر موجود ہیں ۔
ایف آئی آر کے مطابق ملزمان پر الزام لگایا گیا ہے کہ امن فاؤنڈیشن کے نام سے ملنے والی تقریباً 9 ارب روپے کی امدادی رقم ذاتی اکاؤنٹ میں منتقل کر کے خورد برد کی گئی ۔ اطلاعات کے مطابق یہ رقم پہلے طارق شفیع کے کراچی میں بینک اکاؤنٹ میں ٹرانسفر کی گئی اور پھر اس کے بعد یہ رقم غیر قانونی طور پر پی ٹی آئی کے اسلام آباد بینک اکاؤنٹ میں منتقل کی گئی ، جس پر ایف آئی اے کی ٹیم نے عدالت سے سرچ وارنٹ حاصل کئے اور طارق شفیع کے گھر کی تلاشی لی جہاں وہ موجود نہیں تھے ۔اس کے علاوہ میں والی سے تعلق رکھنے والے سینیٹر سیف اللہ نیازیاور فاؤنڈنگ ممبر حامد زمان صاحب کو بھی اسلام آباد میں سینیٹ کے احاطے کے باہر سے اٹھانے کی خبر موصول ہوئی ہے جس پر پاکستان
تحریک انصاف سراپا احتجاج ہے -اگرچہ ایف آئی اے نے اس بات کی تردید کی ہم نے ان کو نہیں اٹھایا مگر پھر وزیر داخلہ نے ٹی وی پر آکر بتا دیا کہ سیف اللہ نیازی ہماریحفاظتی حراست میں لیا ہے -لگتا یہی ہے کہ آئندہ آنے والے روز سنگین محاذ آرائی کی طرف جارہے ہیں –