پنجاب میں مسلم لیگ ن کی ناکامی کے سبب جہاں تحریک انصاف والوں نے رانا ثنا اللہ کی کٹ لگائی ان کو تنقید کا نشانہ بنایا وہیں اب مسلم لیگ ن کے رہنما بھی ان پر کھل کر بولنے لگے ہیں اور ان کاخیال ہے کہ مسلم لیگ کی تباہی میں سب سے زیادہ اہم کردار رانا ثنا اللہ کا ہے – پنجاب اسمبلی میں عدم اعتماد کے ووٹ میں ناکامی ،وفاق میں عدم اعتماد کے حوالے سے ووٹ کی تیاریوں اور پنجاب میں ضمنی انتخابات کے نتائج پر یہ مطالبہ زور پکڑ رہا ہے کہ پنجاب کی ن لیگ کی قیادت اپنا کام صحیح طور پر انجام نہیں دے پا رہی۔
پنجاب اسمبلی کے ممبران کا کہنا تھا کہ کہ رانا ثنا اللہ پنجاب کے صدر ہونے کے ساتھ ساتھ وفاقی وزیر داخلہ بھی ہیں جس کی وجہ سے وہ پنجاب کے معاملات کو کنٹرول کرنے میں ناکام رہے ہین اور ہر بار پنجاب مین ان کی جماعت کو ناکامیاوں کا منہ دیکھنا پڑ ا- ،ذرائع کامزیدکہناہے کہ لندن میں پارٹی قیادت کو ایک بھی بھجوائی گئی ہے جس میں تمام وجوہات بیان کی گئی ہیں، لندن میں قیادت نے پارٹی میں بڑی تبدیلیاں لانے کیلئے مشاورت بھی شروع کردی ہے۔جس کے بعد ان کے لندن طلب کیے جانے کی خبریں گردش کرتی رہیں – مسلم لیگ ن کے رہنماؤں کا خیال ہے کہ قوی امکان یہی ہے کہ ان سے پنجاب کی صدارت لے لی جائے گی