موبائل فون میں واٹس اپ نہ ہو زندگی نامکمل نظر آتی ہے -خاص طور پر دنیا بھر میں دیار غیر میں لوگوں سے فری آف کاسٹ گفتگو اس کا سب سے بڑا کمال ہے -اس کے علاوہ تیز تر رابطے کے لیے بھی واٹس ایپ سے بہتر آپشن کوئی اور نہیں ہے مگر اب اس کو مزید جدت بخش دی گئی ہے-لوگ پیغام رسانی کے لیے بھی اس کو سب سے موثر ایپلیکیشن سمجھتے ہیں -جب ایک ساتھ سینکڑوں یا ہزاروں لوگوں کی رائے لینی ہو یا پیغام پہنچانا ہو تو بھی آپ کو واٹس ایپ کا ہی سہارا لینا پڑتا ہے – اسی بات کو مد نظر رکھتے ہوئے واٹس ایپ کی طرف سے نئی اپ ڈیٹ میں تین نئے فیچرز متعارف کرا دیئے گئے – یہ فیچرز پولز اور میڈیا شیئرنگ کے حوالے سے متعارف کراے گئے ہیں، جن سے واٹس ایپ کی ایپلی کیشن کو اپ ڈیٹ کرکے بھر پور فائدہ اٹھایا جاسکتا ہے -۔
اس نئی اپ ڈیٹ کے بعد اب آپ واٹس ایپ پولز میں کسی فرد کو محض ایک ووٹ دینے تک محدود کر سکتے ہیں۔ اس نئے فیچر کے بعد کوئی صارف پول میں دی گئی آپشنز میں سے کوئی ایک ہی منتخب کر سکے گا۔ اس طرح کسی بھی پول کا اب زیادہ حتمی اور درست نتیجہ سامنے آ سکے گا۔
اس فیچر سے استفادے کے لیے آپ کو کسی پول کو پوسٹ کرنے سے قبل ملٹی پل آنسرز کے آپشن کو ’ڈس ایبل‘ کرنا ہو گا۔ اس کے ساتھ ساتھ صارفین پولز کو فوٹوز، ویڈیوز یا لنکس کی طرح سرچ بھی کر سکتے ہیں۔ اس کے لیے سرچ پر کلک کرکے پولز کے نام لکھنے ہوں گے۔
میڈیا شیئرنگ سے متعلق جو دو نئے فیچرز متعارف کرائے گئے ہیں، وہ صارفین کو کسی بھی میڈیا یا دستاویز کو فارورڈ کرنے سے پہلے اس پر کیپشن کا اضافہ کر سکیں گے۔ ابھی تک یہ آپشن واٹس ایپ پر موجود نہیں تھا اور آپ کو جو میڈیا جس حالت میں موصول ہوتا تھا آپ اسی حالت میںا سے کسی دوسرے صارف کو فارورڈ کر سکتے تھے۔ تاہم اب آپ اس میڈیا کو فارورڈ کرتے ہوئے اس پر اپنی طرف سے کوئی رائے یا مشورہ یا آئیڈیا بھی لکھ سکیں گے۔ اب آپ کسی بھی فائل کو فارورڈ کرنے کے آئیکون پر کلک کریں گے تو آپ کے سامنے کیپشن کا آپشن نمودار ہو جائے گا۔