اسلام آباد: وفاقی حکومت نے جمعہ کو پاکستان مسلم لیگ (ن) کے صدر شہباز شریف اور سندھ کے سابق وزیراعلیٰ قائم علی شاہ کا نام ایگزٹ کنٹرول لسٹ (ای سی ایل) میں ڈال دیا۔
ذرائع کے مطابق شہباز شریف اور قائم علی شاہ کے نام نو فلائی لسٹ میں شامل کرنے کی منظوری سرکولیشن سمری کے ذریعے دی گئی۔
سابق وزیراعلیٰ سندھ کو روشن سندھ پروجیکٹ میں کرپشن کے الزامات کا سامنا ہے جب کہ شہباز شریف پر منی لانڈرنگ اور آمدن سے زائد اثاثے رکھنے کے الزامات تھے۔
اس پیشرفت پر ردعمل دیتے ہوئے مسلم لیگ (ن) کی سیکرٹری اطلاعات مریم اورنگزیب نے ایک ٹوئٹ میں کہا کہ عمران خان کی ترجیح شہباز شریف کا نام ای سی ایل میں ڈالنا ہے نہ کہ ملک کی مہنگائی اور معیشت کو ٹھیک کرنا۔