ایشیز سیریز کے دوسرے ٹیسٹ میچ کے آخری روز آسٹریلیا نے انگلینڈ کو43رنز سے شکست دیدی۔
انگلینڈ کی جانب سے بین ڈکٹ اور کپتان بین سٹوکس کے علاوہ کوئی کھلاڑی زیادہ دیر تک آسٹریلین گیند بازوں کا سامنا نہ کرسکا، دونوں بلے بازوں نے بالترتیب 83اور 155رنز کی شاندار باری کھیلی۔ آسٹریلیا کی جانب مچل سٹارک ،کمنزاور ہیزل ووڈ نے 3،3کھلاڑیوں کو پویلین کی راہ دکھائی جبکہ کیمرون گرین نے ایک بلے باز کو آﺅٹ کیا۔واضح رہے کہ ایشز سیریز کے پہلے ٹیسٹ میچ میں آسٹریلیا نے انگلینڈ کو سنسنی خیز مقابلے کے بعد 2 وکٹوں سے شکست دی تھی۔اس طرح آسٹریلیا کو انگلینڈ پر 2 صفر کی برتری حاصل ہوگئی -یاد رہے کہ پہلے ٹیسٹ میں آسٹریلیا نے انگلینڈ کے منہ سے فتح چھین لی تھی –
پہلے ٹیسٹ میچ میں آسٹریلیا نے اپنے فاسٹ باؤلر کپتان پیٹ کمنز اور اسپنر نیتھن لیون نے نویں وکٹ پر 55 رنز کی ناقابل شکست شراکت داری قائم کرکے اپنی ٹیم کو برتری دلائی تھی۔پیٹ کمنز 44 رنز بنا کر ناٹ آؤٹ رہے تھے –