افغانستان کی نام نہاد اسلامی حکومت جو نبی پاک کی حدیث کے برخلاف خواتین کی تعلیم پر پابندی لگا کر غیر شرعئی حکم جاری کررہی ہے -افغانستان میں عورتوں پر سرعام تشدد کی ویڈیوز بھی آتی رہتی ہیں اور خواتین کے ساتھ افغانستان میں کنیزوں والا سلوک جاری ہے – افغانستان کے اس فیصلے پر پوری دنیا میں تنقید کی جارہی ہے اب اس پر افغانستان سے بھی آوازیں اٹھنا شروع ہوگئی ہیں -افغانستان میں طالبان کی جانب سے خواتین کی اعلیٰ تعلیم پر پابندی کے خلاف افغان کرکٹ ٹیم کے ورلڈ کلاس سپنر راشد خان لڑکیوں کی حمایت میں سامنے آ گئے ہیں۔
گزشتہ روز افغان میڈیا کے ذریعے خبریں سامنے آئی تھیں کہ افغانستان کی تعلیم برائے وزارت اعلیٰ نے تمام نجی اور سرکاری جامعات کو تاحکم ثانی خواتین کی تعلیم معطل کرنے کا حکم دیا ہے ، جس پر سوشل میڈیا پر بہت شور اٹھ گیا کہ یہ کیا ہورہا ہے خواتین کے حقوق کیوں سلب کیے جارہے ہیں –
افغان طالبان کی جانب سے خواتین کی تعلیم پر پابندی کی خبریں سامنے آنے کے بعد امریکا اور برطانیہ سمیت عالمی تنظیموں کی جانب سے بھی اس فیصلے کی مذمت کی گئی اور خواتین کو تعلیم کے برابر مواقع دینے کا مطالبہ کیا گیا۔