آزاد کشمیر اسمبلی اکھاڑا بن گئی -حکومت اور اپوزیشن مین پہلے نعرے بازی ہوئی پھر ماحول گرم ہوگیا اور اراکین اسمبلی ہاتھا پائی پر اتر آئے اسمبلی کے اندر ہونے والی ہنگامہ آرائی شدت اختیار کر گئی اور اہل کار ایک دوسرے کو گالیاں دیتے رہے اور لڑتے رہے ۔
تفصیلات کے مطابق آزاد کشمیر کی قانون ساز اسمبلی میں حالات اس وقت کشیدہ ہوئے جب قائد حزب اختلاف چوہدری لطیف اظہار خیال کیلئے آئے اور چوہدری لطیف نے وزیراعظم سردار تنویر پر الزام عائد کیا کہ وہ پیسے دے کر اسمبلی آئے ۔ان کی دوران تقریر الزام تراشی کے باعث نعرے بازی اور جملے بازی شروع ہو گئی اور پھر پی ٹی آئی رکن اسمبلی
فہیم ربانی نے جوش میں آ کر راجہ فاروق حیدر کو موبائل فون دے مارا ۔
اس کے بعد اسمبلی کے باہر لیگی کارکنان کی بڑی تعداد نے جمع ہو کر احتجاج شروع کر دیاہے -اسمبلی کے باہر بیٹھے مظاہرین کامطالبہ ہے کہ فہیم ربانی سابق وزیراعظم سسردار تنویر ے معافی مانگیں ۔ مظاہرین کی بڑی تعداد کے باعث پولیس ، کمشنر ، ڈپٹی کمشنر بھاری نفری کے ہمراہ باہر ہی موجود ہیں ، اس معاملے کی اطلاع پورے آزاد کشمیر مین پھیلی تو (ن) لیگ کے کارکنان کی جانب سے دلائی کے مقام پر کوہالہ مظفر آباد کی شاہرا ہ بند کر دی گئی جبکہ مظفر آباد اسلام آباد کی شاہراہ کو بھی بند کر دیا گیاہے ، مظاہرین کا کہناہے کہ فہیم ربانی جب تک معافی نہٰیں ما نگتے انہیں مظفر آباد سے باہر نہیں جانے دیں گے ۔