قومی ٹیم پر کئی سال سے ایک گروپ کا قبضہ ہے ؛احمد شہزاد

احمد شہزاد قومی ٹیم میں سیلیکٹ نہ کیے جانے پر پی سی بی سے بہت ناراض ہیں اور انہیں جب بھی موقع ملتا ہے وہ کھل کر اپنا موقف دیتے ہیں -اب وہ ٹیم میں صائم ایوب کو بار بار ناکام ہونے کے بوجود ٹیم کا حصہ بنانے پر بول پڑے – کرکٹر احمد شہزاد نے کہا ہےکہ ڈومیسٹک کے بہت سارے ایسے کھلاڑی ہیں جن کو بالکل نظر انداز کیا گیا ہے، گزشتہ تین چار سال سے ایک ہی گروپ کا غلبہ قائم ہے۔ان کا اشارہ بابر اعظم ،محمد رضوان اور شاداب خان کی طرف تھا –

نجی ٹی وی کے پروگرام”نیا پاکستان “میں میزبان شہزاد اقبال سے گفتگو کرتے ہوئے کرکٹر احمد شہزادنے کہا کہ اگر صائم ایوب سے کارکردگی نہیں ہورہی تو انہیں ٹیم میں کیوں رکھا ہوا ہے ؟۔ صائم ایوب کی جگہ عثمان خان کو کھلایا جانا چاہیے ۔شاداب کو بہت مواقع دیئے گئے ہیں اب بلال کو موقع دے کر دیکھنا چاہیے ۔نسیم شاہ کو باہر بٹھا دیا ہے پوری دنیا نسیم شاہ کا نام لے رہی ہے آپ نے ان کو جن وجوہات پر باہر بٹھایا ہے وہ درست نہیں ہیں۔ انھوں نے ٹیم کے کپتان اور وکٹ کیپر کو بھی نہ بخشا ان کا کہنا تھا کہ اگر بابر اور رضوان کی جوڑی نے ہمیں کچھ جتوا کر دیاہوتاتومیں ضرور سراہتا۔