دیر سے سکول آنے پر پرنسپل نے ٹیچر کو تشدد کا نشانہ بنا ڈلا

سکول دیر سے آنے پر تو کئی بار سنا کہ پرنسپل یا استاد نے بچوں کو پیٹ ڈالا ہو مگر بھارت میں ایک انھونی ہوگئی اور سکول دیر سے پہنچنے پر خاتون پرنسپل نے فی میل ٹیچر کی ٹھکائی کر دی -بھارتی ریاست اترپردیش کے شہر آگرا کے ایک سکول کی پرنسپل نے خاتون ٹیچر کو تاخیر سے سکول آنے پر تشدد کا نشانہ بنا ڈالا۔ معاملہ اس وقت بگڑا جب پرنسپل نے ٹیچر گنجا چودھری سے دیر سے آنے کی وجہ پوچھی جس کے بعد دونوں میں تلخ کلامی ہوگئی۔تلخ کلامی سے بات بڑھی تو پرنسپل اور خاتون ٹیچر میں ہاتھا پائی شروع ہوگئی، پرنسپل نے دیگر اساتذہ کی موجودگی میں استانی گنجا کو مارنا شروع کردیا-
جس پر خاتون ٹیچر کا صبر بھی جواب دے گیا اور انھوں نے بھی پرنسپل پر ہاتھ اٹھا دیا -دونوں کی لڑائی کی ویڈیو ایک تیسری ٹیچر نے اپنے موبائل فون پر بنائی اور سوشل میڈیا پر ڈال دی جبکہ ویڈیو بنانے والی خاتون ٹیچر مسلسل کہہ رہی ہیں کہ کیمرہ بند نہیں ہوگا اور ویڈیو بنے گی۔آگرا کے سکول کی یہ
ویڈیو سوشل میڈیا کے مختلف پلیٹ فارمز پر وائرل ہوئی تو ادارہ اور قانون دونوں حرکت میں آگئے ، ویڈیو کے بعد عوام نے پرنسپل کو اس واقعے کا ذمہ دار قرار دے دیا صارفین نے آگرا پولیس کو مینشن کرتے ہوئے فوری طور پر پرنسپل کے خلاف قانونی کارروائی کا تقاضا کیا ہے۔ جس پر آگرا پولیس نے واقعہ کا مقدمہ درج کرکے پرنسپل کے خلاف جلد کارروائی شروع کرنے کا عندیہ دے دیا ۔