بھارت کے دریائے ستلج میں پانی چھوڑنے کے بعد پاکستان کے کئی شہروں میں ایک بار پھر سیلاب کا خطرہ بڑھ گیا ہے -دریاؤں میں پانی کی سطح بلند ہونے کے بعد قصور اور پاکپتن میں شہریوں کے گھر اور ساز و سامان غیر محفوظ ہوگئے –
پاکپتن کے قریب پانی کی سطح 22 فٹ سے بلند ہونے پر شہریوں کو گھر بار چھوڑنے کی ہدایات جاری کر دی گئیں۔
دریائےستلج میں سیلابی صورتحال کےپیش نظر پاکپتن اوراوکاڑہ کی انتظامیہ کوہائی الرٹ رہنےکی ہدایت
تمام محکمےکسی بھی ہنگامی صورتحال سےنمٹنےکے لئےہمہ وقت تیار رہیں،کمشنرشعیب اقبال سید@CMPunjabOffice @GovtofPunjabPK @CS_Punjab @ACSPunjabOffice @DgprPunjab @punjab_dgpr @OfficeSahiwal pic.twitter.com/t8UOE6O5Is— Commissioner Sahiwal (@commissionerswl) August 18, 2023
نجی ٹی وی کے مطابق ہیڈ گنڈا سنگھ کے علاقے میں انتظامیہ نے ہائی الرٹ جاری کر دیا، مساجد سے اعلانات کئے جا رہے ہیں کہ دریا کےاطراف رہنے والے مکین اپنے گھر چھوڑ دیں، سیلاب کسی بھی وقت مکانات میں داخل ہو کر تباہی مچا سکتا ہے۔بتایا گیا ہے کہ دریائے ستلج میں اونچے درجے کا سیلاب ہے، شہریوں کو محفوظ مقامات پر منتقل کرنے کیلئے امدادی سرگرمیاں شروع کر دی گئیں۔ تاہم پاکستانیوں کے لیے ایک اچھی خبر یہ ہے کہ پانی کی آمد سے منگلا اور تربیلا ڈیم بھی اس وقت لبالب بھر گئے ہیں جس کی وجہ سے آئندہ مہینوں میں بجلی کی لوڈشیڈنگ میں کمی آئے گی –
