پولیس کتنی منہ زور ہوگئی ہے اس کا اندازہ اس بات سے لگا یا جاسکتا ہے کہ اب یہ قومی ہیروز کو بھی پکڑ کر تھانوں میں بند کرنے لگی ہے -پاکستان میں سنوکر کلب میں جب جرائم بڑھنے لگے تو حکومت نے سنوکر کبز کو 10 بجے بند کرنے کا حکم جاری کردیا -اب جہاں بھی مقرہرہ وقت سے زیادہ سنوکر کلب کھلا ہو پولیس اس پر حرکت میں آتی ہے اور قانونی کاروائی کی جاتی ہے -تفصیلات کے مطابق گرین ٹاﺅن پولیس نے دیر رات تک کھلے رہنے والے سنوکر کلب پر چھاپہ مارا جس دوران احسن رمضان کو بھی حراست میں لیا گیا ۔اس سارے واقعہ کو ورلڈ چیمپئن احسن رمضان نے ویڈیو پیغام جاری کرتے ہوئے بیان کیا ہے ۔
پولیس اہلکاروں کو بتایا کہ میں ورلڈ چیمپئن ہوں تو وہ کہتے کہ ہمارے اوپر کون سا احسان کیا ہے: احسن رمضان
مزید پڑھیں:https://t.co/pksgcOREfw pic.twitter.com/Zco4IzBNtw— Geo News Urdu (@geonews_urdu) August 3, 2023
احسن رمضان کا کہناتھا کہ میں نے سن رات محنت کی اور پاکستان کیلئے ایشین چیمپئن شپ جیت کر لایا، ایک ٹور کیلئے اکیڈمی میں پریکٹس کر رہا تھا ، پولیس والے آئے اور بہت زیادہ بدتمیزی کی ، کہا کہ کلب بند کر دو، کلب میں لوگوں نے بتایا کہ یہ ورلڈ چیمپئن ہیں، تو انہوں نے کہا کہ ورلڈ چیمپئن بناہے تو اپنے لیے بنا ہے ، مجھے بہت زیادہ دکھ ہوا یہ سن کر ، ہم نے کہا کہ کلب تو نہیں بند کر سکتے ،بتائیں کیا کریں، تو انہوں نے کہا کہ ہمارے ساتھ پولیس سٹیشن چلیں ، وہاں جاکر انہوں نے ہماری چیزیں بھی لے لیں اور بیلٹ بھی اتروا دی ، وہاں پر پندرہ سے بیس منٹ تک جیل میں بند کیئے رکھا ، میری وزیراعظم اور آئی جی سے التجا ہے کہ اس پر نوٹس لیں، کیونکہ سنوکر ایسی گیم ہے جو یتیم ہو گئی ہے ۔پاکستان اب جس سمت چل پڑا ہے اور عوام کے ساتھ جو ناروا سلوک روا رکھا جارہا ہے اس کا آنے والے دنوں میں اتنا شدید ردعمل آئے گا کہ پھر یہ وقت کے فرعون یاد رکھیں گے –
