جنوبی وزیرستان کے علاقے انگوراڈا میں شدت پسندوں نے خوفناک حملہ کیا -پاک فوج نے دہشت گردوں کا جوانمردی سے مقابلہ کیا -شدید فائرنگ کے تبادلے میں انٹرسروسز انٹیلی جنس کے بریگیڈیئر مصطفیٰ کمال برکی شہید ہوگئے۔
وزیراعظم محمد شہباز شریف کا جنوبی وزیرستان کے علاقے انگور اڈا اور ضلع ڈیرہ اسماعیل خان کے علاقے میں دہشت گردوں سے مقابلے میں شہید ہونے والے پاک فوج کے بریگیڈیئر مصطفیٰ کمال برکی, حوالدار محمد اظہر اقبال , نائیک محمد اسد اور سپاہی محمد عیسیٰ کو خراج عقیدت pic.twitter.com/elbahiAnGc
— PMLN (@pmln_org) March 22, 2023
پاک فوج کی خبر کے مطابق انگور اڈا کے مقام پردہشت گردوں کے ساتھ مقابلے میں 7 سکیورٹی اہلکار زخمی بھی ہوئے۔ جن میں سے 2 کی حالت تشویشناک ہے۔بریگیڈیئر مصطفیٰ کمال برکی جنوبی وزیرستان میں آپریشن کو لیڈ کرتے ہوئے شہید ہوئے، ان کا تعلق انٹر سروسز انٹیلی جنس سے تھا۔
شہید بریگیڈیئر برکی نے اے پی ایس حملے میں ملوث دہشتگردوں کے خاتمہ میں بھی اہم کردار اداکیا تھا ۔بریگیڈیئر مصطفیٰ کمال برکی نے 12 اکتوبر 1995 کو فرنٹیئر فورس رجمنٹ میں کمیشن حاصل کیا تھا ۔ شہید افسر کے سوگواران میں، اہلیہ، ایک بیٹا اور ایک بیٹی شامل ہیں –
