شب برات کی اہمیت کا اندازہ اس بات سے لگایا جاسکتا ہے کہ نبی کریم صلی اللہ علیہ و آلہ وسلم نے فرمایا “شعبان میرا مہینہ ہے اور رمضان میری امت کا مہینہ ہے-اس رات مسلمان رات بھر اپنے رب کے حضور سر باسجود رہتے ہیں اور اللہ سے اپنی مغفرت کی دعا مانگتے ہیں -ماہ شعبان کی پندرہویں رات کوشب برأت کہاجاتا ہے شب کے معنی ہیں رات اوربرأت کے معنی بری ہونے اورقطع تعلق کرنے کے ہیں ۔ چونکہ اس رات مسلمان توبہ کرکے گناہوں سے قطع تعلق کرتے ہیں اور اللہ تعالیٰ کی رحمت سے بے شمار مسلمان جہنم سے نجات پاتے ہیں اس لیے اس رات کوشب برأت کہتے ہیں‘ اس رات کو لیلتہ المبارکہ یعنی برکتوں والی رات بھی کہاجاتا ہے ۔
جب غلطی ہو، تبھی معافی مانگ لیا کرو۔ زندگی ہر بار شبِ بارات تک پہنچنے کا موقع نہیں دیتی 🥀#ShabeBarat2023 pic.twitter.com/47Ld0VQDfS
— 𝓚𝓱𝓪𝓷 𝓐𝓮𝓼𝓽𝓱𝓮𝓽𝓲𝓬𝓼🎭 (@Ik_9O) March 7, 2023
لیلة المبارکہ‘‘ سے پندرہ شعبان کی رات مراد ہے۔اس رات کی خاص بات یہ ہے کہ اس میں زندہ رہنے والے ‘فوت ہونے والے اور حج کرنے والے سب کے ناموں کی فہرست تیار کی جاتی ہے اور جس کی تعمیل میں ذرا بھی کمی بیشی نہیں ہوتی۔
چونکہ یہ رات گزشتہ سال کے تمام اعمال بارگاہ الہٰی میں پیش ہونے اور آئندہ سال ملنے واالی زندگی اور رزق وغیرہ کے حساب کتاب کی رات ہے اس لیے اس رات میں عبادت الہٰی میں مشغول رہنا رب کریم کی رحمتوں کے مستحق ہونے کاباعث ہے اور نبی کریم صلی اللہ علیہ و آلہ وسلم کی یہی تعلیم ہے ۔شب برأت فرشتوں کو بعض امور دیے جانے اورمسلمانوں کی مغفرت کی رات ہے اس کی ایک اور خصوصیت یہ ہے کہ یہ رب کریم کی رحمتوں کے نزول کی اور دعاٶں کے قبول ہونے کی رات ہے ۔
تمام دوستوں کو شبِ بارات مُبارک ہو !! 💖 pic.twitter.com/3SoDnPGkPP
— Silent Soldiers 🇵🇰 (@PakWarriorz) March 6, 2023
حضرت علی علیہ السلام سے روایت ہے کہ نبی کریم صلی اللہ علیہ و آلہ وسلم نے فرمایا “جب شعبان کی پندرہویں شب ہو تو رات کو قیام کرو اور دن کو روزہ رکھو کیونکہ غروب آفتاب کے وقت سے ہی اللہ تعالیٰ کی رحمت آسمان دنیا پر نازل ہو جاتی ہے اور اللہ تعالیٰ ارشاد فرماتا ہے، ہے کوئی مغفرت کاطلب کرنے والاکہ میں اسے بخش دوں‘ ہے کوئی رزق مانگنے والاکہ میں اس کو رزق دوں، ہے کوئی مصیبت زدہ کہ میں اسے مصیبت سے نجات دوں‘ -جو مسلمان اس رات کو عبادت میں گزارتے ہیں ان کی دنیا اور آخرت سنور جاتی ہے -اور اللہ پاک ان کو اپنے پسندیدہ غلاموں اور بندوں میں شامل کرلیتا ہے –
