حکومت نے سوات اور دیگر علاقوں میں قانون اور نظم پر بات چیت کے لیے جرگہ تشکیل دیا

اسلام آباد: وفاقی حکومت نے سوات، میران شاہ اور میر علی میں امن و امان کی بگڑتی ہوئی صورتحال پر مذاکرات کے لیے جرگے کا اعلان کیا ہے۔

حکومت نے ان علاقوں میں احتجاج کرنے والے عوام کے نمائندوں سے مذاکرات کے لیے 16 ارکان پر مشتمل جرگہ تشکیل دیا ہے۔

وزیراعظم نے پارلیمانی جماعتوں کے رہنماؤں پر مشتمل جرگے کی باضابطہ منظوری دے دی۔ جرگے میں صوبہ خیبرپختونخوا کی سیاسی جماعتوں کی نمائندگی ہوگی۔

وفاقی وزیر دفاع خواجہ آصف نے اس معاملے پر تمام پارلیمانی جماعتوں کے رہنماؤں کو خط لکھ دیا ہے اور جرگے کا پہلا اجلاس (کل) جمعہ کو درانی ہاؤس بنوں میں ہوگا۔

وزیر اعظم شہباز شریف نے جے یو آئی کے رہنما اکرم درانی سے مشاورت کے بعد پی ڈی ایم اور دیگر پارلیمانی جماعتوں پر مشتمل جرگہ تشکیل دیا ہے۔

ذرائع نے بتایا کہ جرگہ کے اراکین مظاہرین کے نمائندوں سے بات چیت کریں گے اور میر علی میں روڈ بلاک اور احتجاجی دھرنا ختم کرنے کو یقینی بنائیں گے۔

جرگہ پی ڈی ایم، پیپلز پارٹی، جماعت اسلامی، عوامی نیشنل پارٹی اور این ڈی ایم کی رکن جماعتوں پر مشتمل ہوگا۔