پاکستان کی افواج دنیا میں بہادری میں دنیا میں نمبر ون ہیں جس کا ثبوت انھوں نے کل بلوچستان میں بزدل اور چھپ کر وار کرنے والوں کے حملے ناکام بنا کر کیا جس پر وزیراعظم پاکستان کی جانب سے اپنی فوج کو زبردست خراج تحسین پیش کیا گیا
انٹر سروسز پبلک ریلیشنز (آئی ایس پی آر) نے بتایا کہ بدھ کے روز بلوچستان کے پنجگور اور نوشکی کے علاقوں میں سیکیورٹی فورسز نے ان کے کیمپوں پر حملے کی کوششوں کو ناکام بناتے ہوئے فائرنگ کے تبادلے میں ایک فوجی نے جام شہادت نوش کیا، جب کہ چار دہشت گرد مارے گئے۔
آئی ایس پی آر کا کہنا ہے کہ دہشت گردوں کو بھاری جانی نقصان پہنچایا گیا۔ اس میں کہا گیا، “دہشت گردوں نے آج دیر شام بلوچستان میں پنجگور اور نوشکی، دو مقامات پر سیکورٹی فورسز کے کیمپوں پر حملہ کرنے کی کوشش کی۔” “دہشت گردوں کو بھاری جانی نقصان پہنچاتے ہوئے دونوں حملوں کو کامیابی سے پسپا کر دیا گیا،” اس نے مزید کہا۔
آئی ایس پی آر کا کہنا ہے کہ دہشت گردوں نے پنجگور میں دو مقامات سے سیکیورٹی فورسز کے کیمپ میں داخل ہونے کی کوشش کی۔ تاہم فوجیوں کے بروقت جواب نے ان کی کوشش کو ناکام بنا دیا۔ آئی ایس پی آر کے مطابق شدید فائرنگ کے تبادلے کے دوران ایک سپاہی شہید ہوا۔ یہ بھی کہا گیا کہ بزدل حملہ آور اپنےواصل جہنم ساتھیوں کو چھوڑ کر زخمی حالتوں میں فرار ہوگئے ، جن کی تلاش کا کام جاری ہے اور انہیں جلد ہی ان کے بلوں سے نکال لیا جائے گا اور انجام کو پہنچیں گے ۔
