لندن: سکاٹ لینڈ اور شمالی انگلینڈ میں دسیوں ہزار گھر پانچویں دن بھی بجلی سے محروم رہے۔
“طوفان ارون” جس نے جمعہ کے آخر میں علاقے کو نشانہ بنایا، جس میں تین افراد ہلاک ہوئے ۔ ابتدائی طور پر تقریباً 100 میل (160 کلومیٹر) فی گھنٹہ کی رفتار سے چلنے والی ہوا کے جھونکے کے بعد لاکھوں گھروں کی بجلی منقطع ہوگئی۔
انرجی نیٹ ورکس ایسوسی ایشن نے کہا کہ بدھ کی صبح تک، انجینئرز نے 97 فیصد پراپرٹیز کو دوبارہ جوڑ دیا تھا، لیکن تقریباً 30,000 اب بھی بجلی سے محروم تھے۔
انہوں نے کہا “ہمارے پاس انجینئرز کی ناقابل یقین حد تک سرشار ٹیمیں ہیں جو نیٹ ورک کو بحال کرنے کے لیے چوبیس گھنٹے کام کر رہی ہیں،”
بزنس سکریٹری کواسی کوارٹینگ نے ایم پیز کو بتایا، “بحالی کی کوششوں کے انجینئرز کو جس پیمانے کا سامنا ہے وہ بہت بڑا ہے،” انہوں نے مزید کہا کہ وسطی سکاٹ لینڈ میں ہوا کی رفتار “گزشتہ 25 سالوں میں صرف دو بار دیکھی گئی ہے”۔
انہوں نے ارون کو “ایک ایسا واقعہ قرار دیا جو ہم نے 60 سالوں سے نہیں دیکھا”۔
“ہمیں مستقبل میں اسی طرح کے انتہائی مشکل موسمی حالات کے لیے تیار رہنا ہوگا۔ ہمیں یہ یقینی بنانا ہوگا کہ ہمارا نظام لچکدار ہے۔
پولیس نے کہا کہ درخت گرنے سے تین افراد ہلاک ہوئے۔
ایک شمال مغربی انگلینڈ میں، ایک سکاٹ لینڈ میں اور تیسرا شمالی آئرلینڈ میں۔
