پینتیس لاکھ روپے کے سگریٹ چوری کرنے والا شخص
گرفتار
الوآر: بھارتی پولیس نے راجستھان میں 35 لاکھ روپے مالیت کے سگریٹ چوری کرنے میں ملوث ایک شخص کو گرفتار کرنے کا دعویٰ کیا ہے۔
یہ گرفتاری راجستھان کے الوآر پولیس نے کی ہے۔ گرفتاری کی تفصیلات بتاتے ہوئے، اسسٹنٹ سب انسپکٹر (اے ایس آئی) وجیندر سنگھ نے بتایا کہ نصیر آباد روڈ کے رہنے والے سبھاش چندر نے ایک شکایت درج کرائی تھی، جس میں کہا گیا تھا کہ سری نگر روڈ پر واقع اس کے شوروم سے 35 لاکھ روپے مالیت کے سگریٹ چرائے گئے تھے۔
شکایت درج کرنے کے بعد پولیس پارٹی حرکت میں آگئی اور جانچ کے بعد سگریٹ چوری میں ملوث ملزم اوم پرکاش کو گرفتار کرلیا۔
پولیس نے کہا کہ اس شخص نے اپنے جرم کا اعتراف کر لیا ہے اور مزید کہا کہ معاملے کی مزید تفتیش جاری ہے۔
اے ایس آئی وجیندر سنگھ نے بتایا کہ سگریٹ چوری کے معاملے میں اب تک پانچ ملزمین کو حراست میں لیا گیا ہے۔