راجہ ریاض اور شہباز شریف کی کل کی ملاقات کے بعد پورے ملک سمیت صدر مملکت کو بھی پریشانی لاحق ہوگئی کہ آخر اب تک نگران وزیراعظم کے 6 نام سامنے کیوں نہیں آرہے اسی لیے انھوں نے آج شہباز شریف اور راجہ ریاض کو ایک خط لکھ دیا -جس میں صدر مملکت ڈاکٹر عارف علوی نے وزیرِ اعظم شہباز شریف اور تحلیل شدہ قومی اسمبلی کے قائدِ حزبِ اختلاف راجہ ریاض کو 12 اگست تک نگران وزیرِ اعظم کا نام دینے کا کہہ دیا۔
صدر مملک ڈاکٹر عارف علوی کا وزیراعظم اور قائد حزب اختلاف کو خط#ARYNews pic.twitter.com/XA9JrZ2piv
— ARY NEWS (@ARYNEWSOFFICIAL) August 11, 2023
صدر مملکت نے وزیراعظم اور راجہ ریاض احمد کو خط میں لکھا کہ آئین کے آرٹیکل 224 ایک اے کے تحت صدر مملکت وزیراعظم اور قائد حزب اختلاف کے مشورے سے نگران وزیراعظم کی تعیناتی کرتے ہیں۔ انہوں نے لکھاکہ آئین کے تحت وزیرِ اعظم اور قائدِ حزب اختلاف کو قومی اسمبلی کی تحلیل کے 3 دن کے اندر نگران وزیرِ اعظم کا نام تجویز کرنا ہوتا ہے۔خط میں کہا گیا ہے کہ میں نے وزیراعظم کی ایڈوائس منظور کی اور 9 اگست کو قومی اسمبلی تحلیل کر دی۔ ان کا کہنا تھاکہ وزیراعظم اور قائد حزب اختلاف 12 اگست تک موزوں نگران وزیر اعظم کا نام تجویز کریں۔خیال رہے کہ 9 اگست کو صدر مملکت عارف علوی نے وزیراعظم کی ایڈوائس پر قومی اسمبلی تحلیل کردی تھی۔اس خط کے بعد اس بات کا امکان ہے کہ اب 6 نام سامنے آجائیں گے اور یہ معاملہ الیکشن کمیشن کے پاس چلاجائے گا اور الیکشن کمیشن ہی ان ناموں میں سے ایک شخص کو منتخب کرلے گا -مگر یہ پاکستان ہے یہاں کسی بھی وقت کچھ بھی ہوسکتا ہے -اللہ سے دعا ہے کہ وہ پاکستان کو جلد سے جلد اس بھنور سے نکالے –
