وفاقی وزیر اطلاعات و نشریات فواد چودھری نے 2022 کو پاکستانی سینما کی بحالی کا سال قرار دیا ہے۔
جمعرات کو پوسٹ کردہ ایک ٹویٹ میں، انہوں نے کہا کہ پاکستان ٹیلی ویژن (پی ٹی وی) کے نئے قائم کردہ فلم ڈویژن کے تحت 10 فلمیں پبلک پرائیویٹ سیکٹر میں بنائی جائیں گی۔
دبئی ایکسپو میں آج سے پاکستان فلم ویک شروع ہو رہا ہے جس میں 21 جنوری سے 26 مارچ تک 11 پاکستانی فلمیں پاکستان انکلوژر میں نمائش کے لیے پیش کی جائیں گی۔
یہ بات قابل ذکر ہے کہ دبئی میں جاری ایکسپو میں پاکستانی پویلین کو ملک کی حقیقی صلاحیتوں کو پیش کرنے پر کافی حد تک سراہا گیا ہے۔ اس ایکسپو میں دنیا کے 100 سے زائد ممالک شرکت کر رہے ہیں جو مارچ کے آخر تک جاری رہے گی۔
مختلف مواقع پر، وزیر اطلاعات نے مقامی تفریحی صنعت کے تحفظ کے لیے حکومت کے ارادے کی تصدیق کی ہے۔
گزشتہ سال دسمبر میں ایک ٹویٹ میں چوہدری نے انکشاف کیا تھا کہ فنانس ترمیمی ایکٹ میں غیر ملکی ڈراموں کی درآمد اور اشتہارات میں غیر ملکی ماڈلز لینے پر بھاری ٹیکس عائد کیا گیا ہے۔
انہوں نے یہ بھی انکشاف کیا تھا کہ سینما اور فلم پروڈکشن کے آلات پر کوئی ٹیکس نہیں لگایا گیا، اس اقدام کا بنیادی مقصد پاکستان کی فلم انڈسٹری اور فنکاروں کو تحفظ فراہم کرنا ہے۔