یو اے ای میں ہونے والی لاٹری پاکستانیوں پر خاص مہربان ہے -آج ایک بار پھر ابوظہبی میں رہنے والے پاکستانی محمد عامر ایک لاکھ درہم کے مالک بن گئے -متحدہ عرب امارات میں پاکستان، ایتھوپیا اور لبنان کے تین شہری ایک ایک لاکھ درہم کی لاٹری جیت گئے۔خلیج ٹائمز کے مطابق محظوظ لاٹری کے ذریعے اب تک 64لوگ کروڑ پتی بن چکے ہیں۔ اس حالیہ لاٹری کا سب سے بڑا انعام بھی دو کروڑ درہم تھا۔ اس سے چھوٹے کئی انعامات تھے، جن میں ایک ایک لاکھ درہم کے تین انعام تھے۔ تین انّعام جیتنے والوں میں ایک لبنان ایک ایتھوپیا اور تیسرا پاکستان سے تعلق رکھتا ہے –
29سالہ لبنانی نوجوان عمر اس وقت اپنی فیملی کے ہمراہ سعودی عرب میں مقیم ہے اور ایک ملٹی نیشنل کمپنی میں سیلز مین کی ملازمت کرتا ہے۔31سالہ میلکوما نامی شخص کا تعلق ایتھوپیا سے ہے جو 6سال سے دبئی میں ڈرائیور کی ملازمت کرتا ہے جبکہ 47سالہ عامر نامی پاکستانی شخص 17سال سے ابو ظہبی میں سکیورٹی اینڈ سپورٹ سروس منیجر کی ملازمت کرتا ہے۔تینوں نے 35درہم کے عوض محظوظ لاٹری ٹکٹس خریدے تھے جن پر وہ ایک ایک لاکھ درہم (تقریباً 76لاکھ روپے) جیت گئے۔