لاہور میں جہاں سموگ نے انسانی زندگیوں کے لیے خطرات پیدا کردیے تھے وہیں دنیا میں آلودہ ترین شہر بن جانے کے سبب بھی دنیا بھر میں ہمیں تنقید کا نشانہ بنایا جاتا تھا جس کی وجہ سے حکومت نے اس کے سد باب پر غور شروع کیا اور اس نتیجے پر پہنچے کہ لاہور سے آلودگی ختم کرنے کا صرف ایک ہی طریقہ ہے اور وہ یہ ہے کہ شہر میں مصنوعی بارش برسائی جائے -اس کےلیے پاکستان نے یو اے ای کی مدد لی -جس کے بعد سموگ سے نمٹنے کیلیے ملکی تاریخ میں پہلی بار لاہور کے مختلف علاقوں میں مصنوعی بارش برسائی گئی ، اس بارش کے نتائج کب تک سامنے آئیں گے اس حوالے سے پریس کانفرنس کرتے ہوئے نگران وزیراعلیٰ پنجاب محسن نقوی نے کہا کہ لاہور کے 10 سے 15 کلو میٹر کے قطر میں یہ پلان کیا گیا اور 10 علاقوں میں ہلکی پھلکی بارش ہوئی۔ کلاوڈ سیڈنگ کا پہلا مشن کچھ دیر پہلے کیا گیا، شاہدرہ اور مریدکے کی طرف بادل برسائے گئے، لاہور کے اکثر مقامات پر بارش ہوگئی ہے، مصنوعی بارش کے دوران 48 فلیئرز فائر کیے گئے۔ مصنوعی بارش میں یو اے ای نے سپورٹ کیا، مصنوعی بارش کیلئے ہم نے کوئی خصوصی خرچہ نہیں کیا، اس میں صرف پانی کا خرچ ہوا، سموگ کے خاتمے کیلئے اگر خرچہ کرنا بھی پڑتا تو میں دریغ نہ کرتا جب کہ مصنوعی بارش کا صحت پر کوئی نقصان نہیں ہے، اگر نقصان ہوتا تو دبئی اور امریکہ جیسے ممالک یہ نہیں کرتے۔خدا کرے کہ اس بارش کی آفٹر افکٹس نہ ہی ہوں اور ہم اس آلودگی کے عزاب سے بھی نکل آئیں –
نگران وزیر اعلیٰ نے میڈیا چینلز سے بات کرتے ہوئے بتایا کہ مصنوعی بارش کا تجربہ ہمارے لیے بہت ضروری تھا اور اس کے نتائج رات تک سامنے آئیں گے، آج مصنوعی بارش لاہور میں ہوئی ہے، یہ تجربہ نیا ہے، ایک مرتبہ پتا چل جائے تو اس تجربے کو دیکھیں گے اس کے بعد اگلا فیصلہ کریں گے، ابھی اس کے اثرات پر نظر رکھے ہوئے ہیں، دوسرے مرحلے میں شہر میں سموگ ٹاورز بھی جلد انسٹال ہوجائیں گے۔مصنوعی بارش کے لیے یو اے ای حکومت کے 2جہازوں نے کام کیا اور ہم نے خاموشی سے بارش کی، نہیں چاہتے تھے کوئی بدمزگی ہو، مصنوعی بارش کے لیے دوسری فلائٹ کچھ دیربعد ہوگی، وفاقی حکومت مصنوعی بارش کے منصوبے پر کام کررہی ہے۔
