ہم تو ڈوبے ہیں ……. ٹائی ٹینک جہاز کے ملبے کی باقیات دیکھنے کی غرض سے سمندر میں اترنے والے 2 پاکستانی لاپتہ

پاکستانیوں کے لیے ایک پریشان کن خبر انگلینڈ سے آئی ہے کہ آج سے 111 سال قبل 1912 میں ڈوب جانے والے ٹائی ٹینک ملبے کی سیر کرانے والی آبدوز لاپتہ ہو گئی جس میں 2 پاکستانی بھی سوارتھے۔ برطانوی میڈیا کی خبروں کے مطابق ٹائی ٹینک ملبے کی سیر کرانے والی لاپتہ آبدوز میں 2 پاکستانی بھی تھے، غرقاب بحری جہاز ٹائی ٹینک کا ملبہ بحر اوقیانوس میں ہے جس کو سمندر کی گہرائی میں دکھانے کیلئے آبدوز خصوصی سروس مہیا کررہی تھی۔ ٹائی ٹینک کا ڈوبا ہوا جہاز ابھی تک اسی جگہ موجود ہے جہاں یہ غرق ہوا تھا اور ہزاروں افراد کو اپنے ساتھ ڈبوگیا تھا –

ٹائی ٹینک کا ملبہ دیکھنے گئے پاکستانی تاجر اور ان کا بیٹا سمندر میں لاپتہ#ARYNews pic.twitter.com/ksXZqTleay

— ARY NEWS (@ARYNEWSOFFICIAL) June 20, 2023

ٹائی ٹینک کا ملبہ دیکھنے جانے والی لاپتا آبدوز میں 2 پاکستانی بھی سوار تھے

مزید تفصیلات: https://t.co/tqm9CPFU3C#ARYNewsUrdu pic.twitter.com/jmnWeecSHs

— ARY News Urdu (@arynewsud) June 20, 2023

سیر کے لیے جانے والے کے اہل خانہ نے بتایا کہ ان کی فیملی کے 2 افراد آبدوز پر سوار تھے جن سے رابطہ منقطع ہو گیا ہے۔ شہزادہ داؤد اور ان کے بیٹے سلیمان ٹائی ٹینک کی باقیات دیکھنے آبدوز میں گئے تھے۔برطانوی میڈیا کا کہنا ہے کہ شہزادہ داؤد برطانیہ میں مقیم اور ایس ای ٹی آئی انسٹی ٹیوٹ میں ٹرسٹی ہیں، وہ ایک نجی کمپنی میں بطور نائب چیئرمین خدمات سر انجام دے رہے تھے۔ لگتا ایسا ہی ہے کہ یہ ٹائی ٹینک ابھی اور زندگیاں نگلنا چاہتا ہے –