ورلڈ ہیلتھ آرگنائزیشن نے ہندوستان میں میڈن فارماسیوٹیکلز کی طرف سے بنائے گئے کھانسی اور نزلہ زکام کے چار شربتوں کے استعمال پر ایک الرٹ جاری کرتے ہوئے خبردار کیا ہے کہ افریقی ملک گیمبیا میں جو 66 بچوں کی اموات ہوئی ہیں ان کا سبب یہ کھانسی کا شربت ہوسکتا ہے ۔خبر رساں ادارے اے ایف پی کے مطابق، گیمبیا میں 66 بچوں کی موت کے بعد سےتحقیقات کا آغاز کیا گیا ہے جس میں خدشہ ہے کہ کسی زہریلی دوائی کے استعمال کے سبب اتنے بچے دم توڑ گئے ۔
اقوام متحدہ کی صحت کی ایجنسی نے خبردار کیا ہے کہ آلودہ دوائیں مغربی افریقی ملک کے علاوہ دیگر دوسرے کئی ملکوں میں بھی تقسیم کی گئی ہیں، جس کے عالمی سطح پر اثرات ہو سکتے ہیں.اقوام متحدہ کی صحت کی ایجنسی نے یہ بھی خبردار کیا ہے کہ آلودہ دوائیں مغربی افریقی ملک سے باہر تقسیم کی گئی ہیں۔ ڈبلیو ایچ او کے سربراہ ٹیڈروس اذانوم گیبریئس نے کہا کہ زیر بحث چار سردی اور کھانسی کے سیرپس ممکنہ طور پر گردے کی بیماری کا سبب بنے جس کی وجہ سے یہ معصوم بچے دم توڑ گئے ۔ ٹیڈروس نے کہا کہ ڈبلیو ایچ او ہندوستان میں کمپنی اور ریگولیٹری حکام کے ساتھ مزید تحقیقات بھی کر رہا ہے۔
گیمبیا کی وزارت صحت کے مطابق ان ادویات مین جو سالت شامل کیا گیا ہے وہ انسانوں کبالخصوص بچوں کے لیے زہریلا اور اور مہلک ہوسکتا ہے ، اس نے مزید کہا کہ زہریلے اثر کی وجہ سے بچوں میں پیٹ میں درد، الٹی، اسہال، پیشاب کرنے میں ناکامی، سر درد، دماغی حالت میں تبدیلی اور گردے کی تکالیف کی شکایات موصول ہوئی ہیں جو موت کا باعث بن سکتی ہے۔ گیمبیا کی وزارت صحت نے گزشتہ ماہ اسپتالز سے کہا تھا کہ وہ سیرپ پیراسیٹامول کا استعمال بند کر دیں، مگر تحقیقات کے نتائج آنے تک 28 بچوں کے گردے فیل ہونے کی وجہ سے موت واقع ہوگئی ۔
ڈبلیو ایچ او نے کہا کہ ہندوستان کی سنٹرل ڈرگ اسٹینڈرڈ کنٹرول آرگنائزیشن سے موصول ہونے والی معلومات سے پتہ چلتا ہے کہ کمپنی نے صرف گیمبیا کو یہ ادویات فراہم کی تھیں ۔ٹیڈروس نے احتیاط پر زور دیا اور انھوں نے تمام ممالک سے مطالبہ کیا کہ وہ مریضوں کو مزید نقصان سے بچنے کے لیے معلوم کریں کہ یہ ادویات کن کن ممالک کو بھیجی گئی ہیں اور وہاں ان کے بارے میں کیا رپورٹ ہے ۔ سیرپ پیراسیٹامول کے بارے میں گیمبیا کی وزارت صحت کا مشورہ 9 ستمبر کو جاری کیا گیا تھا، ایک ماہ بعد جب تفتیش کاروں نے پانچ ماہ سے چار سال کی عمر کے کم از کم 28 بچوں کی شدید گردوں کے فیل ہونے ے موت کی اطلاع دی تھی۔