ہر پڑھا لکھا شخص جانتا ہے کہ کہ اسمبلی تحلیل ہونے کے بعد 90 روز میں الیکشن کرانے کے سوا کوئی چارہ نہیں مگر موجودہ حکومت اس سے راہ فرار اختیار کرنے کے نت نئے طریقے ڈھونڈ رہی تھی مگر آج عدالت نے اس پر واضح حکم جاری کردیا -لاہور ہائیکورٹ نے پنجاب میں الیکشن کی تاریخ مقرر نہ کرنے کے خلاف درخواست پر سماعت کے دوران الیکشن کمیشن کے وکیل کو ہدایت کی کہ آپ گورنر کو چھوڑیں اور الیکشن کی تاریخ دیدیں ، ہر روز الیکشن کمیشن کی باتیں ہو رہی ہیں تو یہ اچھاکام بھی کر دیں ۔
الیکشن کمیشن بتائے، انتخابات کب کرائے گا؟ لاہور ہائی کورٹ https://t.co/b5XiKBjgFs
— Jehan Pakistan (@PakistanJehan) February 3, 2023
لاہور ہائیکورٹ میں پنجاب میں الیکشن کی تاریخ مقرر نہ کرنے کے خلاف درخواست پر جسٹس جواد حسن نے ریمارکس دیتے ہوئے کہا کہ آئین میں درج ہے الیکشن 90 روز میں ہونے ہیں ، آپ کیسے کہہ سکتے ہیں کہ معاشی صورتحال خراب ہو چکی ہے ، اس سے پہلے بھی معاشی صورتحال خراب تھی ، لیکن الیکشن ہوئے تھے ،اعلی عدلیہ کے اس حوالے سے متعد دفیصلے ہیں ۔عدالت نے الیکشن کمیشن کے وکیل کو ہدایت دیتے ہوئے کہاکہ گورنر کو چھوڑیں آپ الیکشن کی تاریخ دیں ۔ہر روز الیکشن کمیشن کی باتیں ہو رہی ہیں ،تو یہ اچھا کام بھی کر دیں ۔ عدالت نے استفسار کیا کہ کیا اس کیس کیلئے فل بینچ بنا دیں ؟ پی ٹی آئی نے فل بینچ نہ بنانے کی استدعا کر دی جبکہ گورنر کے وکیل کی جانب سے جواب جمع کروانے کیلئے مہلت طلب کی گئی، عدالت نے استفسار کیا کہ آپ کو کتنا وقت درکار ہے یہ پاکستان کا معاملہ ہے ، گورنر کے وکیل نے کہا کہ کم از کم سات روز درکار ہیں ، اسد عمر نے سات روز کا وقت دینے کی مخالفت کی تو عدالت نے ریمارکس دیتے ہوئے کہا کہ آپ عدالت آ گئے ہیں تو بے فکر ہو جائیں ، چار پانچ روز سے کچھ نہیں ہوتا، عدالت نے گورنر کے وکیل کو جواب جمع کروانے کی مہلت دیتے ہوئے آئندہ سماعت سے قبل فریقین کو تفصیلی جواب جمع کروانے کی ہدایت کر دی ہے ۔ عدالت نے کیس کی سماعت 9 فروری تک ملتوی کر دی ۔
