گورنر پنجاب بلیغ الرحمان نے آج لاہور گورنمنٹ کالج یونیورسٹی میں پاکستان تحریک انصاف چیئرمین عمران خان کی سیاسی تقریب کے انعقاد کا نوٹس لے لیا۔پنجاب کے گورنر بلیغ الرحمان نے پی ٹی آئی چیئرمین عمران خان کی سیاسی تقریب کے احاطے میں انعقاد کے خلاف بطور چانسلر نوٹس لیتے ہوئے کہا کہ ملک کے اعلیٰ تعلیمی ادارے کو ’سیاسی میدان‘ بنانا افسوسناک ہے۔ ان کا مزید کہنا تھا کہ تعلیمی اداروں میں اس طرح کی سیاسی تقریبات کے انعقاد کی کوئی گنجائش نہیں ہے۔
بلیغ الرحمان نے بطور چانسلر جی سی یونیورسٹی میں سیاسی پروگرام کے انعقاد کا نوٹس لیا
🔗https://t.co/c9phMDk1Vf pic.twitter.com/ND0gECbsKF— Aaj TV English (@AajNewsEnglish) September 26, 2022
دوسری جانب پاکستان مسلم لیگ نواز کی نائب صدر مریم نواز نے گورنمنٹ کالج یونیورسٹی کے وائس چانسلر پر پی ٹی آئی چیئرمین عمران خان کے لیے تقریب کے احاطے میں انعقاد پر تنقید کی۔مسلم لیگ (ن) کے نائب صدر نے ٹویٹر پر کہا کہ “وائس چانسلر گورنمنٹ کالج یونیورسٹی کے خلاف سخت کارروائی ہونی چاہیے کہ انہوں نے ایک تعلیمی ادار ہ فتنہ خان کے سپرد کرکے تعلیمی ادارے کی بے حرمتی کی اور اس کے احاطے میں جلسہ منعقد کیا ۔”
