پاکستان میں عمران خان کی گرفتاری کے بعد ہونے والے 9 مئی کے ہنگاموں میں شرکت کرنے والے افراد کی پکڑ دھکڑ کا سلسلہ جاری ہے -جس میں زیرو ٹالنس دکھائی جارہی ہے -حکومت اور اسٹیبلشمنٹ نے فیصلہ کرلیا ہے کہ نوگو ایریا تک پہنچنے والے ہر شخص کے خلاف کاروائی ہوگی خواہ اس کا تعلق کتنے ہی طاقت ور اور امیر اثر و رسوخ رکھنے والے خاندان سے ہی کیوں نہ ہو -کل سابق آرمی چیف کی نواسی خدیجہ شاہ کو عدالت پیش کیا گیا اور آج نومئی کو کور کمانڈر ہاﺅس لاہور کے باہر احتجاج کے معاملے میں سابق آئی جی سندھ اور پنجاب میجر ریٹائرڈ ضیاءالحسن کے بیٹے رضوان ضیاءکو گرفتار کر لیا گیاہے ۔
رضوان ضیاء کو کورکمانڈر ہاؤس میں توڑ پھوڑ پر گرفتار کیا گیا!!
پولیس"#امپورٹڈ_حکومت_نامنظور pic.twitter.com/a0ejZyOdCd— Ahsan Andrabi.PTI (@AndrabiPti) May 26, 2023
پولیس کا کہناتھا کہ ملزم رضوان ضیاءکو کور کمانڈر ہاﺅس کے باہر احتجاج اور توڑ پھوڑ کے الزام میں گرفتار کیا گیاہے ، رضوان کو جیو فینسنگ سے لو کیشن سامنے آنے پر گرفتار کیا گیاہے ، ملزم رضون ضیاءسابق آر می افسر کا داماد بھی ہے ۔
