کورنگی میں3 منزلہ عمارت میں برقع پہن کر لوٹ مار کرنے والے تینوں ڈاکو پولیس مقابلے میں مارے گئے۔
پولیس کے مطابق تین ڈاکو ایک تین منزلہ عمارت میں لوٹ مار کی نیت سے داخل ہوئے تھے کہ اطلاع ملتے ہی پولیس بھی پہنچ گئی، 2 ڈاکوؤں نے شناخت چھپانے کے لیے برقعہ پہنا ہوا تھا، اس دوران پولیس اور ڈاکوؤں میں مقابلہ ہوا جس میں تینوں ڈاکو ہلاک ہوگئے۔” ڈاکوؤں نے جب سب سے پہلے پہلی منزل پر رہائش پذیر افراد کو لوٹنا شروع کیا تو کسی نے پولیس کو فون کردیا – پولیس بھی اطلاع ملتے ہی پہنچ گئی۔
ڈکیتی کی کوشش ناکام، 3 ڈاکو پولیس مقابلہ میں ہلاک
مزید تفصیلات: https://t.co/or1UNezJaE pic.twitter.com/EUGZ0kyUku— PNN News (@pnnnewspk) April 3, 2023
پولیس کے آنے سے قبل ڈاکوؤں نے گھر سے 40 ہزار کی نقد رقم اور 4 موبائل فون چھینے تھے ، پولیس کے پہنچنے پر ملزمان چھت کی طرف بھاگے جہاں ملزمان اور پولیس میں مقابلہ ہوا، اس دوران 2 ڈاکو چھت پر ہی مارے گئے جب کہ تیسرے نے برابر والے گھر میں چھلانگ لگادی لیکن تیسرا ڈاکو بھی برابر والے گھر میں مارا گیا۔
رہائشی کے مطابق 2 ڈاکو کورنگی کے علاقے کے ہیں تاہم تیسرے ڈاکو کی شناخت نہیں ہوسکی، 2 مرنے والے ڈاکوؤؤں کی شناخت احمد اور صادق کے نام سے ہوئی۔ذرائع نے بتایا کہ مارا گیا ڈاکو احمد عوامی کالونی تھانے میں تعینات اہلکار اسماعیل کا بھائی ہے۔
