کشمیریوں کے ساتھ موجودہ حالات کا بھارت فائدہ اٹھا رہا ہے؛شیخ رشید

آزاد کشمیر میں معاملے کو جس طرح ہینڈل کیا گیا اس پر دنیا بھر میں پاکستانی کی بدنامی ہوئی اور بھارت کو خوب شور مچانے کا موقع مل گیا -اب اس پر ملک بھر میں بھی گفتگو ہورہی ہے اور سیاست دان بھی اس پر کھل کر بات کررہے ہیں – سابق وزیرداخلہ شیخ رشید نے انسداد دہشت گردی عدالت میں پیشی کے موقع پر میڈیا سے گفتگو کرتے ہوئے کہا کہ کشمیر میں جو ہوا اس سے کشمیریوں کو بہت دکھ پہنچا ہے ، ہم مقبوضہ کشمیر کا کیس لڑ رہے تھے اور ہمیں اپنا کیس لڑنا پڑ گیا۔انہوں نے کہا کہ کل جو لوگ راولپنڈی سے گرفتار کئے گئے میری درخواست ہے ان کو چھوڑ دیا جائے ، رات جو کشمیریوں کو گھروں سے پکڑا گیا یہ بڑی زیادتی ہے حالت ان کی یہ ہے کہ کھاریاں میں یہ خواجہ سراوں سے مار کھاتے ہیں ، میں باہر گیا تھا تو ساری دنیا میں ان خواجہ سراوں کا چرچا ہے ہمارے تو یہ گھروں میں داخل ہوئے تھے اور پیسے، زیور اور بچے لے گئے۔
شیخ رشید نے مزید کہا کہ ہم خاموش ہیں کیونکہ کہ ہماری 30 جون تک بریک ہے ، اس بریک میں ہم سمجھتے ہیں کہ ان کو صحیح مشورہ دیں صحیح مشورہ یہ ہے کہ کشمیریوں کو چھوڑ دیں، بھارت اس کا خوب فائدہ اٹھا رہا ہے۔سابق وفاقی وزیر نے کہاکہ جن لوگوں نے غیر قانونی اقدام اٹھایا ہے حکومت کو اس کا بھی فوری نوٹس لینا چاہئے ، 190 ملین پاونڈ ریفرنس میں مجھے بلایا گیا تو ضرور جاوں گا ، نیب ٹیم نے ہائی کورٹ راولپنڈی میں یہ بیان دیا کہ شیخ رشید ہمیں مطلوب نہیں۔