پاکستان سپر لیگ کے ساتویں ایڈیشن کا آغاز ہونے میں ایک ماہ باقی رہ گیا ہے – پی ایس ایل ساتویں ایڈیشن کے پہلے میچ میں 27 جنوری کو نیشنل اسٹیڈیم میں دفاعی چیمپئن ملتان سلطانز کا مقابلہ میزبان اور 2020 کی چیمپئن کراچی کنگز سے ہوگا۔اس کے علاوہ 2019 کی چیمپئن کوئٹہ گلیڈی ایٹرز اگلے دن جمعہ کو 2017 کی فاتح پشاور زلمی سے مقابلے کے لیے میدان میں اترے گی ۔
کراچی ، 27 جنوری سے 7 فروری تک 15 میچوں کی میزبانی کرے گا، اس کے بعد یہ ایونٹ باقی میچز کے لیے قذافی اسٹیڈیم میں شفٹ ہو جائے گا جہاں باقی 15 لیگ میچز اور چار پلے آف 10 سے 27 فروری تک لاہور میں کھیلے جائیں گے۔
فروری کو ہونے والا فائنل 2017 کے بعد پہلا موقع ہو گا جب پاکستان کرکٹ کا ہیڈ کوارٹر فائنل کا انعقاد کرے گا۔ نیشنل اسٹیڈیم نے 2018 سے 2020 تک فائنل کا انعقاد کیا تھا، جبکہ کرونا وبا کے باعث ابوظہبی میں 2021میں فائنل کھیلا گیا تھا کیونکہ بہت سے غیر ملکی کھلاڑیوں نے پاکستان آنے سے معزرت کر لی تھی اس میں ملتان سلطانز نے پشاور زلمی کو 47 رنز سے شکست دی تھی۔پی سی بی نے 2022 کے ٹورنامنٹ کو اس طرح سے ڈیزائن کیا ہے کہ ہر ٹیم کراچی اور لاہور میں برابر کے میچز کے ساتھ ساتھ دن کی روشنی اور فلڈ لائٹس میں کھیلے گی۔
ایچ بی ایل پی ایس ایل ڈرافٹ 2022 12 دسمبر کو لاہور کے ہائی پرفارمنس سینٹر میں منعقد ہوگا۔
ہر سائیڈ آخری ایونٹ سے زیادہ سے زیادہ آٹھ کھلاڑی برقرار رکھنے کے ساتھ ڈرافٹ میں آئے گی۔ کھلاڑیوں کی کیٹیگریز کو حتمی شکل دینے کے بعد، ٹرانسفر اور ریٹینشن ونڈو اب باضابطہ طور پر کھل گئی ہے اور 10 دسمبر کو بند ہوگی۔
پلاٹینم کیٹیگری میں لاہور قلندرز کا پہلا انتخاب ہوگا، اس کے بعد ملتان سلطانز، کراچی کنگز، اسلام آباد یونائیٹڈ، پشاور زلمی اور کوئٹہ گلیڈی ایٹرز ہوں گے۔ڈائمنڈ کیٹیگری میں پہلا انتخاب لاہور قلندرز کا ہوگا، اس کے بعد پشاور زلمی، اسلام آباد یونائیٹڈ، کوئٹہ گلیڈی ایٹرز، کراچی کنگز اور ملتان سلطانز ہوں گے۔
پاکستان کے موجودہ چئرمین رمیز راجہ نے خواتین کا پی ایس کروانے کا بھی عندیہ دے دیا ہے اور اگر ایسا ہوا تو اس سے پاکستان کی خواتین کرکٹ کو بہت فائدہ ہوگا ابھی تک صرف آسٹریلیا ایسا ملک ہے جہاں خواتین کے لیے اس طرز کے ٹورنامنٹ کروائے جاتے ہیں