کرونا کی پانچویں لہر جسنے پورے ملک کو اپنی لپیٹ میں لینا شروع کردیا تھا اب اللہ تعالیٰ کے فضل وکرم سے اس کی شدت میں خاطر خواہ کمی نظر آرہی ہے یہی وجہ ہے کہ اب این سی او سی نے بھی ملک میں عائید کی گئی پابنیدیوں میں نرمی کرنے کا فیصلہ کیا ہے وفاقی حکومت نے ان شہروں میں 16 فروری (منگل) سے پر پابندیاں اٹھانے کا فیصلہ کیا ہے جہاں مثبتیت کا تناسب کم از کم تین دن تک 10 فیصد سے کم ہے۔
نیشنل کمانڈ اینڈ آپریشن سنٹر (این سی او سی) نے گزشتہ ماہ پابندیاں عائد کی تھیں جب ملک میں کی پانچویں لہر پھیل گئی تھی اور بڑے شہروں میں مثبت تناسب بہت زیادہ تھا۔جن پابندیوں کے اٹھائے جانے کی توقع ہے ان میں باقاعدہ کلاسز کا دوبارہ آغاز اور انڈور ڈائن ان شامل ہیں کیونکہ ملک بھر میں انفیکشن کی شرح میں نمایاں کمی آئی ہے۔
ذرائع کے مطابق، ہوٹلوں میں ایس او پیز کے ساتھ کھانے کی اجازت ہوگی اور 12 سال سے کم عمر بچوں کو نارمل کلاسز شروع کرنے کی اجازت ہوگی۔ اس سے قبل، 12 سال سے کم عمر کے طلباء کے لیے 50% حاضری کے ساتھ اسکول کھولنے کی اجازت تھی۔ تاہم، 12 سال سے زیادہ عمر کے وہ طلبا ء جن کی ویکسینیشن مکمل تھی ان کے لیے، این سی او سی نے 100% حاضری کی سفارش کی تھی اسی طرح سکولوں کی کینٹینز پربھی مکمل پابندی تھی۔