کراچی میں چند روز قبل ماں اور بہن کے سامنے ایک نوبیاہتا دولہا قتل ہوگیا تھا سی سی ٹی وی ٖوٹج سے معلوم ہوا کہ وہ ڈاکو ایک پولیس والا ہے فرزند علی دن میں پولیس اہلکار کے طور پر کام کرتا تھا اور رات کو ڈاکو بن کر چاندنی کرتا تھا۔
وہ کراچی ویسٹ ڈسٹرکٹ کے سینئر سپرنٹنڈنٹ آف پولیس کے دفتر کی حفاظت کے لیے تعینات تھے۔ان کا تازہ ترین شکار شاہ رخ خان تھے، جنہیں بدھ، 12 جنوری کو کشمیر روڈ پر ان کے گھر کے باہر گولی مار کر ہلاک کر دیا گیا۔شاہ رخ کی موت سے صرف دو دن پہلے شادی ہوئی تھی۔
ڈاکو نے اسے گولی مار کرصرف اس لیے مار دیا تھا کیونکہ اس کی بہن اور ماں نے شور مچایا تھا جس پر ان کا (بھائی اور بیٹا )باہر نکل آیا تھا پکڑے جانے کے خوف سے اس ڈاکو نے لڑکے کو گولی مار کر قتل کردیا تھا ۔
یہ واقعہ سی سی ٹی وی ویڈیو میں قید ہو گیا، جس کا باریک بینی سے جائزہ لینے پر پولیس کے تفتیش کاروں کو معلوم ہوا کہ ڈاکو ان کی اپنی صفوں میں سے ایک تھا۔
حکام کا دعویٰ ہے کہ پولیس پارٹی نے پیر کی شب گلشن اقبال کے علاقے میں ایک مقام پر چھاپہ مارا اور فرزاد علی نے اپنی جلد گرفتاری کو دیکھتے ہوئے خود کو گولی مار کر ہلاک کر لیا۔