پاکستان میں چینی باشندے غیر محفوظ ہونے لگے آج کراچی میں ایک اور ناخوشگوار واقعہ پیش آٰ یا جب ایک اور چینی باشندے کو شدت پسندوں نے نشانہ بنا ڈالا – اطلاعات کے مطابق صدر میں ڈینٹل سرجن کے کلینک پر حملہ ہوا اس حملے میں کلینک پر فائرنگ سے ایک چینی شہری ہلاک ہوگیا، جبکہ 2 افراد زخمی ہوگئے۔
پولیس کے مطابق کلینک میں فائرنگ سے چینی ڈینٹل ڈاکٹر کا ملازم رونلڈ ہلاک ہوگیا جبکہ اس واردات میں چینی ڈاکٹر ایچ یو رچرڈ اور ان کی اہلیہ مارگریٹ زخمی ہوگئیں جو ملزمان کا اصل ہدف تھے ۔
واردات کے لیے مجرم کلینک میں ملزم مریض بن کر آیا حالات کا جائزہ لیتا رہا اور باری آنے پر ڈاکٹر پر فائرنگ کردی،کلینک سے 9 ایم ایم پستول کے ساتھ خول ملے ہیں۔پولیس کے مطابق فائرنگ سے ہلاک اور زخمی ہونے والے افراد کی دہری شہریت ہے۔ داکٹر اور ان کی اہلیہ زخمی تو ہوئے مگر ان دونون کی جان بچ گئی ہسپتال انتظامیہ کے مطابق ڈاکٹر اور ان کی اہلیہ کی حالت اب خطرے سے باہر ہے۔