کراچی: کراچی میں اسٹریٹ کرائمز میں اضافہ ہورہا ہے اور ایسے ہی ایک واقعے میں ایک شخص جو اپنے بھتیجے کی تدفین کے لیے کفن خریدنے مردہ خانے پہنچا، شہر میں موٹرسائیکل سے محروم ہوگیا۔
تفصیلات کے مطابق کراچی کے علاقے کورنگی میں مردہ خانے کے باہر نامعلوم مسلح افراد نے جنید نامی رہائشی سے موٹر سائیکل چھین لی.
واقعے کی تفصیلات بتاتے ہوئے جنید نے بتایا کہ وہ کورنگی میں واقع مردہ خانے میں اپنے بھتیجے کی تدفین کے لیے کفن خریدنے پہنچا جہاں مسلح افراد نے اسے لوٹ لیا۔
Image Source: Dawn
متاثرہ نے بتایا کہ جیسے ہی اس نے اپنی موٹرسائیکل پارک کی تو دو نامعلوم مسلح افراد نے اسے بندوق کی نوک پر موٹرسائیکل ان کے حوالے کرنے پر مجبور کیا۔
اس سے قبل کراچی میں سندھ پولیس کے تین اسٹیشن ہاؤس افسران (ایس ایچ اوز) کو اسٹریٹ کرائم پر قابو پانے میں مبینہ ناکامی پر معطل کردیا گیا تھا۔
یہاں یہ بات قابل ذکر ہے کہ ایڈیشنل انسپکٹر جنرل (اے آئی جی) جاوید عالم اوڈھو نے اسٹریٹ کرائم کی روک تھام کے خصوصی فرائض کے ساتھ شاہین فورس شروع کرنے کا اعلان کیا۔