کراچی : اومیکرون کا مریض مزمل نجی ہوٹل سے فرار ہونے کے بعد دوبارہ پکڑا گیا

اسلامی جمہوریہ پاکستان میں کورونا وائرس کی نئی قسم اومی کرون سے متاثرہ دوسرا مریض قرنطینہ سے فرار ہوگیا جس کو انتظامیہ کی مدد سے پکڑ کر انتہائی سخت سیکیورٹی میں  دوبارہ قرنطینہ کردیا گیا۔

برطانیہ سے کراچی آنے والے مزمل نامی پاکستانی میں ایئر پورٹ پر کورونا وائرس کی تصدیق ہوئی جس کے بعد اس کی جینوم سیکونسنگ کی گئی تو اس میں اومی کرون پایا گیا۔ اومیکرون کی تصدیق کے بعد حکام نے مزمل کو شاہراہ فیصل پر واقع نجی ہوٹل میں قرنطینہ کیا تاہم وہ وہاں سے فرار ہوگیا۔

مزمل کراچی کے علاقے کھارا در کا رہائشی ہے جس کو محکمہ صحت سندھ کے حکام نے انتظامیہ کی مدد سے پکڑ لیا ہے۔ اسے 15 دسمبر کو پکڑ کر قطر ہسپتال میں قرنطینہ کیا گیا جہاں سنٹر کی سیکیورٹی بھی انتہائی سخت کردی گئی ہے۔