کراچی ؛ پولیس نے بیوی کو تشدد کا نشانہ بنانے والے ٹک ٹاکر گوپال کو گرفتار کرلیا، ٹک ٹاکر کی چند روز قبل سوشل میڈیا پر ویڈیو وائرل ہوئی تھی جس میں وہ اپنی بیوی پر تشدد کرتا ہوا دیکھا جاسکتا ہے ۔ ایس ایچ او سائٹ سپرہائی وے فیصل جعفری نے بتایا کہ بیوی کو تشدد کا نشانہ بنانے کی ویڈیو وائرل ہونے کے بعد انھوں نے خفیہ ذرائع سے ملنے والی اطلاع پر پی ٹی وی سوسائٹی اسکیم 33 میں چھاپہ مار کر ٹک ٹاکر گوپال کو گرفتار کرلیا-
مبینہ ٹک ٹاکر شوہر کا بیوی پر تشدد کا معاملہ۔
سوشل میڈیا پر وائرل ہونیوالی خبر پر سائٹ سپرہائی وے پولیس نے کاروائی کرتے ہوئے
بیوی پر تشدد میں ملوث شوہر گوپال کو اسکیم 33 کراچی سے گرفتار کرلیا pic.twitter.com/3NEA9hsokY— Mehran Khan (@mehrankhan601) March 28, 2023
انھوں نے بتایا کہ گرفتار ملزم گوپال کی اہلیہ سونیا نے بیان دیا ہے کہ میرے شوہر کو میرے کردار پر شک ہوا تھا انہیں لگا کہ میں کسی لڑکے سے موبائل فون پر بات کر رہی ہوں اس وجہ سے انھوں نے مجھ پر ہاتھ اٹھایا تاہم انہوں نے اپنے شوہر کی غلطی معاف کردی ہے اور آئندہ ایسی غلطی نہیں کریں گے۔ایس ایچ او فیصل جعفری نے بتایا کہ بعدازاں پولیس نے گرفتار گوپال کی اہلیہ کی جانب سے ذاتی مچلکہ جمع کرانے پراس کے شوہر کو پابند کر کے جانے کی اجازت اس شرط کے ساتھ دے دی کہ کسی بھی قانونی کارروائی کے لیے ضرورت پیش آئی یا اس کی اہلیہ کی جناب سے کوئی شکایت آئی تو اسے پیش ہونا پڑے گا ۔
