وزیراعظم عمران خان نے کہا کہ حکومت کی کاروبار دوست پالیسیوں نے پاکستان کو صنعتوں میں سرمایہ کاری کے لیے خطے کا سب سے پرکشش مقام بنا دیا ہے۔
بدھ کو اسلام آباد میں خصوصی اقتصادی زونز کے حوالے سے ایک اعلیٰ سطحی اجلاس کی صدارت کرتے ہوئے انہوں نے کہا کہ صنعتوں میں غیر ملکی سرمایہ کاری سے نہ صرف روزگار اور برآمدات میں اضافہ ہوگا بلکہ ٹیکنالوجی کی منتقلی کو بھی ممکن بنایا جائے گا۔
وزیراعظم نے کہا کہ حکومت ایس ای زیز کے نظام کو ترجیحی بنیادوں پر پلگ اینڈ پلے ماڈل پر یقینی بنا رہی ہے۔
انہوں نے کہا کہ بورڈ آف گورنرز کی تقرری اور ایس ای زیز کا انتظام میرٹ کو برقرار رکھنے اور مفادات کے عدم تصادم کی وجہ سے کیا جا رہا ہے۔
اجلاس کو ایم3 انڈسٹریل زون کے علاوہ رشکئی، دھابیجی، بوستان اور علامہ اقبال انڈسٹریل سٹی کے بارے میں تفصیلی بریفنگ دی گئی۔
اجلاس کو بتایا گیا کہ ایم3 اکنامک زون میں صنعتوں کے قیام کے لیے 600 ایکڑ اراضی دستیاب کرائی گئی ہے۔
اس کے علاوہ بجلی کی فراہمی کے بعد انفراسٹرکچر پر کام زوروں پر ہے۔
اجلاس کو بورڈ آف انوسٹمنٹ کی جانب سے مقامی اور غیر ملکی سرمایہ کاروں کے لیے صنعتوں کے قیام میں سہولت فراہم کرنے کے لیے کیے گئے اقدامات سے بھی آگاہ کیا گیا۔
وزیراعظم نے تمام اقدامات کی بروقت تکمیل کو یقینی بنانے کی ہدایات جاری کیں۔
