کہا جاتا ہے کہپاکستان میں جو ادارے بدترین رویہاپارہے ہیں اور درست کام نہیں کررہے ان میں سے ایک محکمہ پولیس ہے مگر ان ہی پولیس اہل کاروں میں ہزاروں ایسے مرد اور خواتین پوللیس اہل کار بھی ہیں جو انتہائی محنت ایمانداری اور خلوص نیت کے ساتھ عوام کی خدمت اور جرائم کے خامے کے لیے اپنی جان ہتھیلی پر رکھ کر بہترین کارکردگی دکھا رہے ہیں -ان ہی میں سے ایک خاتون پولیس افسر سونیا شمروز خان ہیں جو تندہی سے اپنے فرائض منصبی سرانجام دے رہی ہیں -اور دنیا نے ان کی خدمات کو سراہا ہے -�انٹرنیشنل ایسوسی ایشن آف ویمن پولیس نے ڈی پی او بٹگرام سونیا شمروز خان کو دنیا کی سب سے بہترین خاتون پولیس افسر کے ایوارڈ سے نواز دیا ۔
خواتین کے ساتھ ہونے والے تشدد کی روک تھام پر بہترین کام کرنے کے سبب سونیا شمروز خان کو نیوزی لینڈ کے شہر آکلینڈ میں پولیس آفیسر آف دی ایئر ایوارڈ سے نوازا گیا،سونیا شمروز خان ڈی پی او چترال اور دیگر عہدوں پر بھی کام کرچکی ہیں، انہوں نے جبری شادیوں کی روک تھام کیلئے شکایتی سیل بھی قائم کیے تھے۔ایس ایس پی سونیا شمروز نےنجی ٹی وی سے بات چیت کرتے ہوئے کہا کہ وہ اپنا ایوارڈ صنفی امتیاز کی متاثرہ خواتین اور محنتی خواتین پولیس آفیسرز کے نام کرتی ہیں۔ انہوں نے کہا کہ خواتین پولیس اہلکار امن و سلامتی کو یقینی بنانے کیلئے ان تھک محنت کر رہی ہیں، کام کے دوران انہوں نے ثقافتی اصولوں اور حساسیت کو مدنظر رکھا اسی وجہ سے خواتین سےمتعلق جرائم کی رپورٹنگ میں اضافہ ہوا ہے۔سونیا شمروز نے کہا کہ بٹگرام میں خواتین رپورٹ درج کرنے پولیس اسٹیشن نہیں آتی تھیں، اب خواتین ہماری مدد لینے آتی ہیں۔
