چارلس سوئم کے بیٹے ہیری نے اپنی کتاب میں ایک حیران کن انکشاف کیا – شہزادہ ہیری نے اپنی کتاب اسپیئر میں کچھ حیران کن تفصیلات بتاتے ہوئے دعویٰ کیا ہے کہ انھوں نے افغانستان میں اپنے دوسرے دورے کے دوران ’25 طالبان جنگجوؤں کو ہلاک کیا’۔
ڈیوک آف سسیکس – جو شاہی فوج میں ‘کیپٹن ویلز’ کے نام سے جانا جاتا تھا ،نے بتیایا کہ ایک روز انھوں نے افغانستان میں اپنی ڈیوٹی کے دوران 6بار اپاچی حملہ آور ہیلی کاپٹر سے طالبان کے ٹھکانوں کو نشانہ بنایا ان کا کہنا تھا کہ میں نے ان حملوں میں 25 طالبان کو موت کے گھاٹ اتارا
مگر اس پر کوئی ندامت نہیں کیونکہ وہ دنیا کے لیے خطرہ تھے اور وحشی درندے تھے ۔ ہیری کو پہلی بار 2007 میں ایک فارورڈ ایئر کنٹرولر کے طور پر صوبہ ہلمند میں تعینات کیا گیا تھا، جہاں انھوں نے اپنے ملک کی افواج کے ساتھ کافی عرصہ گزارا اور کئی جنگی مہمات میں بھی حصہ لیا –