چوہدری شجاعت حسین کا نواز شریف کی وطن واپسی پر خیر مقدم

آج 4 سال بعد نون لیگ کے قائد نواز شریف وطن واپس لوٹے ہیں اس پر مختلف جماعت کے قائدین اس پر اپنے اپنے خیالات کا اظہار کررہے ہیں -مسلم لیگ نون کی جانب سے اسے کامیاب ترین جلسہ قرار دیا جارہا ہے جبکہ ان کے ًخالفین اسے ناکام جلسہ قرار دے رہے ہیں –
مسلم لیگ (ن) کے سربراہ نواز شریف کی وطن واپسی پر سابق وزیراعظم اور مسلم لیگ (ق) کے سربراہ چوہدری شجاعت حسین کا بیان بھی آ گیا ۔لاہور سے جاری بیان میں چوہدری شجاعت حسین نے کہا کہ نواز شریف کی واپسی کا خیر مقدم کرتا ہوں انھوں نے نواز شریف کی وطن واپسی کو ملک کے لیے اچھا شگون قرار دیا ہے -، عوام کو( ن) لیگی قائد سے بہت سی امیدیں وابستہ ہیں۔ اس وقت ملک کو یکجہتی اور مفاہمت کی ضرورت ہے، ملک کو انتقامی سیاست نہیں بلکہ مضبوط معیشت کی ضرورت ہے۔ نواز شریف کو معیشت بحالی اور مہنگائی کے خاتمے کے لیے محنت کرنا پڑے گی۔ لوگوں کو ریلیف اور قومی مفادات کا تحفظ سب کی مشترکہ ذمے داری ہے۔