پاکستان میں مہنگائی کے طوفان میں غریب آدمی کے لیے جو چیزیں تیزی سے مہنگی ہورہی ہیں ان میں چکن ،دودھ ،گھی کے ساتھ چائے کی پتی بھی شامل ہے -جس کی قیمت میں ہر ہفتے اضافہ ہورہا ہے – چائے کی پتی کی قیمت میں محض 15 روز کے دوران 500 روپے فی کلو اضافہ ہو گیا۔
چائے کی پتی کی قیمت میں اضافے کی بڑی وجہ یہ ہے کہ کراچی کی بندرگاہ پر 250 کے قریب کنٹینرز پھنسنے ہوئے ہیں – جس کے سبب رمضان سے قبل کھلی چائے کی پتی کی قیمت گزشتہ 15 روز میں ایک ہزار ایک سو روپے سے بڑھ کر 16 سو روپے فی کلو تک پہنچ گئی جب کہ رمضان میں چائے کی قیمت 2500 روپے فی کلو تک پہنچنے کا خدشہ ظاہر کیا گیا ہے۔اور غریب لوگ زیادہ تر روزے میں چائے کے ساتھ پراٹھا کھاتے ہیں اب ایسا لگ رہا ہے کہ گھی اور چائے کی بڑھتی قیمت بھی ان کی مشکلات میں اور اضافہ کرنے والی ہے –