پاکستان تحریک انصاف نے ایک بار پھر الیکشن کمیشن آف پاکستان سے تحریک انصاف کے ساتھ روا رکھے جانے والے سلوک پر اپنا احتجاج ریکارڈ کروادیا -تحریک انصاف کا گللہ تھا کہ الیکشن کی تاریخ آنے کے بعد بھی ان کی جماعت کو الیکشن کیمپین کی اجازت نہیں دی جارہی –
پی ٹی آئی کا 24 نکاتی چارٹر آف ڈیمانڈ مرکزی سیکرٹری جنرل عمر ایوب خان کی جانب سے بھجوایا گیا ۔ عمر ایوب کی جانب سے کہا گیا کہ 11 اکتوبر کو الیکشن کمیشن اور تحریک انصاف کے بیرسٹر گوہر علی،ڈاکٹر بابر اعوان ،سینیٹر علی ظفر پر مشتمل وفد نے الیکشن کمیشن سے ملاقات کی،جس میں تحریک انصاف کے وفد کی جانب سے شفاف اور منصفانہ انتخاب کے انعقاد کیلئے باضابطہ طور پر چارٹر آف ڈیمانڈ پیش کیا گیا، گزشتہ ملاقات کے بعد ہونے والی حالیہ پیش رفت کے تناظر میں یہ چارٹر آف ڈیمانڈ الیکشن کمیشن کی توجہ دلانے کیلئے ایک بار پھر پیش کیا جا رہا ہے۔
عمر ایوب نے گلہ کیا کہ آئندہ عام انتخابات کے تناظر میں تحریک انصاف کو مسلسل لیول پلیئنگ فیلڈ سے محروم رکھا جا رہا ہے ان کو کارنر میٹنگز کی اجازت نہیں دی جارہی اس لیے ، الیکشن کمیشن اپنی آئینی ذمہ داری پوری کرتے ہوئے 90 روز کی مدت کے اندر انتخاب کے انعقاد کا شیڈول جاری کرے، تحریک انصاف اراکین کو غیر قانونی گرفتاریوں اور جبری گمشدگیوں جیسے اقدامات کے ذریعے مسلسل سیاسی انتقام کا نشانہ بنایا جا رہا ہے،سابق وزیراعظم اور چیئرمین عمران خان اس وقت ایک بے بنیاد اور من گھڑت مقدمے میں پابند سلاسل ہیں، تحریک انصاف کے جھنڈوں سے لے کر پارٹی کا موقف میڈیا پر نشر کرنے پر بھی مکمل پابندی عائد ہے، یہ معاملہ نہ صرف تحریک انصاف بلکہ پاکستان کی جمہوریت کیلئے بھی انتہائی سنگین اور تشویش کا باعث ہے۔اس سے قبل نگران وزیراعظم نے میڈیا کے سامنے کہا تھا کہ تحریک انصاف کو بلے کا نشان بھی ملے گا اور ان کے ایلیکشن کمپین چلانے پر بھی کوئی پابندی نہیں ہوگی -تحریک انصاف کی ریلیوں اور جلسوں پر کسی نے پابندی نہیں لگائی -پی ٹی آئی اپنی سیاسی سرگرمیاں جاری رکھ سکتی ہے –