اسلام آباد: پاکستان تحریک انصاف (پی ٹی آئی) کے سیکریٹری جنرل اسد عمر نے بدھ کے روز پنجاب کے وزیراعلیٰ کے انتخاب کے عمل میں ’مداخلت‘ کی کوشش کے خلاف سپریم کورٹ (ایس سی) سے رجوع کرلیا۔اپنے ٹوئٹر ہینڈل کے ذریعے سپریم کورٹ میں دائر توہین عدالت کی درخواست کی تفصیلات شیئر کرتے ہوئے اسد عمر نے کہا کہ درخواست میں وزیر داخلہ رانا ثنا اللہ اور پنجاب حکومت کو مدعا علیہ بنایا گیا ہے۔
پی ٹی آئی کے سیکرٹری جنرل نے کہا کہ وزیر داخلہ کی طرف سے پولیس اور سپیشل برانچ کی کھلی دھمکیاں سپریم کورٹ کے یکم جولائی کے فیصلے کی واضح توہین ہے۔
یہاں یہ بات قابل ذکر ہے کہ وزیر داخلہ رانا ثناء اللہ نے کہا کہ پاکستان مسلم لیگ (ن) 22 جولائی کو مسلم لیگ (ق) کے چودھری پرویز الٰہی کو آسانی سے صوبائی چیف ایگزیکٹو نہیں بننے دے گی۔
ثناء اللہ نے کہا کہ ن لیگ کو 5 ووٹ کم پڑے جبکہ صوبائی اسمبلی میں پرویز الٰہی کے 188 ووٹ ہیں۔
انہوں نے مزید کہا کہ اگر 22 جولائی کو 5 ارکان صوبائی اسمبلی نہ پہنچتے تو پرویز الٰہی کو وزارت اعلیٰ حاصل کرنا مشکل ہو جاتا۔
17 جولائی کو، پاکستان تحریک انصاف (پی ٹی آئی) پنجاب میں اپنی حکومت بنانے اور پاکستان مسلم لیگ نواز (پی ایم ایل این) کے وزیراعلیٰ (سی ایم) حمزہ شہباز کو ہٹانے کے لیے پی اے کی مطلوبہ نشستیں حاصل کرنے میں کامیاب ہوگئی۔
