پی آئی اے کا دوست ملک چین کے لیے ایک انوکھا اقدام

پاکستان انٹرنیشنل ایئرلائن (پی آئی اے) نے اپنی منزل کی فہرست میں ایک اور روٹ کا اضافہ کیا ہے اور چینی شہر چینگڈو کے لیے پروازیں شروع کر دی ہیں۔

تفصیلات کے مطابق پی آئی اے بدھ کو اسلام آباد سے چینگڈو کے لیے ہفتہ وار پرواز چلائے گی۔

پی آئی اے کے ترجمان کا کہنا تھا کہ اسلام آباد سے پہلی پرواز کے مسافروں کو پی آئی اے کے سینئر حکام نے رخصت کیا اور مسافروں نے چینگڈو کے لیے پروازیں شروع کرنے پر پی آئی اے انتظامیہ کی تعریف کی۔

پی آئی اے کے ترجمان نے کہا کہ پی آئی اے نیٹ ورک میں یہ نیا اضافہ پڑوسی ملک کے ساتھ دوستانہ تعلقات کو مزید فروغ دے گا۔

سی ای او پی آئی اے نے کہا کہ چینگڈو کے لیے فلائٹ آپریشن کو کامیاب بنانے کے لیے تمام تر کوششیں کی جائیں، جلد ہی پروازوں کی فریکوئنسی میں اضافہ کیا جائے گا۔